Accessibility links

сишәмбе, 6 декабрь 2016, Казан вакыты 21:05

“Qazan” korable Sankt-Peterburg şähärendä tuqtağan...


Sankt-Peterburg şähäreneñ urtasınnan aqqan Neva yarların “Qazan” isemle teploxod bizäp tora. Zamança cihazlandırılğan ap-aq paroxod bik küplärneñ iğtibarın cälep itärlek ikän şul. Anıñ ozınlığı ğına da 120 metr, ä bieklege 11 metr di.

Rossiä Prezidentı Vladimir Putin şul matur paroxodta gubernatorlarnı cıyıp mäcles oyıştırdı.

Anda Tatarstan Prezidentı Mintimer Şäymiev ta buldı dip xäbär itä « Intertat.ru» gäzite.

Elek bu paroxod Italiä eşmäkäreneke bulsa xäzer ul Qazan şähäre eşquarınıñ şäxsi milegendä ikän.Bu paroxod turında törle fikerlär yöri: kemder anı şähärneke ikän di, kemder sıra zavodınıqı ikän di. Bu paroxod bezne dä bik qızıqsındırdı. Berärseneñ kürgäne bar mikän ul paroxodnı diep, bez törle-törle turistik firmalarğa şaltırattıq. Misal öçen, Qazannıñ Yılğa portında bez tik “Pavel Mironov” isemle paroxod qına bar ikänen beldek. «Stolitsa» turistik firmasında tik injener “Ptaşkin” häm “Frunze” isemle paroxodlar barın beldek. “Voljskie puteşestviya” firmasında “Koçkin”,“Ğastello”, “Şalyapin” häm “Tel'man” isemle paroxodlar buluı mäğlüm buldı. İdel buyınça köymälär yörtüçe agentstvonıñ ber wäkile bezgä bolay dide:

“Qazannıñ meñyıllığına bu korabl' Qazan şähäreneñ İdel yarına tuqtayaçaq. Bıyıl yül urtalarında nindider reyslar yasayaçaq. Bezgä täqdim itkännär ide arendağa alırğa, läkin yullamalar bik qibat bulır dip bez almadıq. Ämma satıp alırğa teläk belderüçelär bik küp ide”,- dide ul.

Ä korabl'neñ xucası kem digän sorawğa cawapnı bez berkemnän dä taba almadıq. Ämma «Qazan» isemen yaratıp, korabl'eneñ isemenä quşqaç, anı Qazan iseme belän İdel yılğasın, diñgezlärne buylatıp yörtäse kilä ikän, dimäk bu keşe milli ruxlı tatar keşese buluı ixtimal. Dimäk , tatarlar arasında da paroxodlar, korabl'lär satıp alırlıq baylar bar.

Qazan, Mälikä Basıyr.

XS
SM
MD
LG