Sezne alkogolizm, narkomaniä, taksikomaniä kebek zaman problemaları qızıqsındıramı? Älbättä bu zäxmätlär alla räxmäte belän ğailägezne, yaqınnarığıznı çitlätep ütsädä, ğibrätle xällärne küzätäsez, işetäsez inde. Äye narkomaniä afäte Tatarstannı da çitlätep uzmadı.Ministrlar Kabinetınıñ İqtisadıy häm sotsialogik ezlänülär üzäge 2002 yılnıñ azağında “Tatarstanda narkomanlaşu”-digän soraşu ütkärde. Respublikanıñ 18 şähär häm rayonınnan 15 yäştän olıraq 1544 respondentı soraşılğan. Näticälär şundıy. Şähärlärdä yäşäwçelärneñ 35 protsentın, awıl cirendä yäşäwçelärneñ 24 protsentın, bäyälär artu, korrupsiä, rişwätçelek kebek kisken problemalar belän ber rättän-narkomaniä taralu probleması qızıqsındıra. Respublika xakimiäte bu problema belän tuqsanınçı yıllar azağınnan, äytkändäy ciñ sızğanıp şöğellänä. Narkomanlaşunı profilaktikalau üzäge buldırıldı. Respublikanıñ İminlek şurasında İdärä-ara komissiä eşli. Problemanı öyränü häm çişü yulların ezläw däwam itä. Äytik 19 yün, pänceşämbe kön Tatarstanda- narkomanlaşuğa qarşılıq köne dip atasanda bula. İrtänge yaqta Qazan milli-mädäni üzägendä “İslam narkomaniägä qarşı”-digän fänni ğämäli konferensiä eşläde. Öylä waqıtında İminlek şurasınıñ İdärä-ara komissisiäse utırışı bardı. Beraz soñraq Respublika narkologiä xastäxänseneñ yaña binasın açu tantanası buldı. İdärä-ara komisiä utırışın premyer-ministr urınbasarı Zilä Wälieva alıp bardı. Bögelmä şähäre başlığı urınbasarı narkomaniägä qarşı köräş täcribäse belän urtaqlaştı. Şunısı ğibrätle Tatarstanda narkomaniägä qarşı toruda mäğlümat çaraları, jurnalistlar tä''sire köçle dip tanıla. Monı İqtisadıy häm sotsial'' ezlänülär üzäge tikşerenüläre dä raslıy. Älege utırışta bu faktor tağın ber qat iskärtelde. Utırışta qatnaşuçılar Respublika narkologiä xastäxänäsneñ yaña korpusın açu tantanasında da buldılar. Elek narkomannarnı alkogoliklar däwalıy torğan binanıñ ber qatına ğına sıydırsalar, xäzer alar öçen 35 urınlıq bina tözelde. Ul iñyaxşı meditsina cihazları belän cihazlandırılğan. Anda inde maxmırdan çığaru öçen ber niçä narkoman qabul itelgän dä.
Yunıs Ätnäle.
