Accessibility links

сишәмбе, 6 декабрь 2016, Казан вакыты 13:18

Ağımdağı atnanıñ iñ şaqqatırğıç süzläre häm iñ xikmätle waqiğaları nindi buldı?


Menä ber şaqqatırğıç säyäsi fiker. Röstäm Wafin isemle ber jurnalist urısça çığa torğan ber gäzittä şundıy fiker äytä. “Soyuzdaş respublikalar ayırılğaç, Rusiäneñ milli sostavı sälämätlänä töşte.” Yäğni, ildäge rus bulmağan xalıqlarnıñ sanı 18% kimegäç, däwlät çistara, sawığa töşkän.

Tağın ber xikmätle waqiğa. “Московский комсомолец в Татарстане” xäbärçese Lev Ovrutskiy soñğı aylarda “Восточный экспресс” gazetası belän mäxkämäläşep yörde. Bu könnärdä ul 5 yıl eşlägän “МК в Татарстане” gäzitennän waqıtlıça yäki bötenläygä kitep bardı. Çönki “МК в Татарстане” gäziten “Эфир” telekompaniäse satıp alğan häm waqıtlıça idäräne “Восточный экспресс”nıñ baş möxärrire Räşit Gallyamovqa birgän.

Bu atnanıñ iñ xikmätle tuyı turında. Tatarstan milli bankı räise, “Unics” basketbol klubı prezidentı Yevgeniy Bogaçevnıñ qızı Olga Bogaçeva Älmättä yäşäwçe Rişat Äxsänovqa kiäwgä çıqtı. 30 yäşlek Rişat äfände “Tatneft'-Arxangel'sk” digän struktura xucası. 19 yäşlek Olga da birnäsez tügel. Anıñ Qazanda elektronika häm säğät sata torğan ike zur kibete bar. Yäş yöräklär Yaña yılnı Kubada qarşılağannar, may ayında Parijda yal itkändä, öylänergä qarar qılğannar. Tuydan soñ alar başta Älmätkä qaytmaqçılar, annarı Seyşel yäki Bali utrawlarına kitälär ikän. Comğa könne öylä waqıtında 30 lap kömeş sıman “Mersedes” maşinası yäş ğailäne Gorkiy uramı buylap alıp barğanın bezneñ xäbärçebez üz küzläre belän kürgän.

İñ xikmätlese, Olga Bogaçeva xäzer familiäsen genä tügel, isemen dä alıştırğan. Ul xäzer Aliä isemen alğan häm islam dinen qabul itkän. Bu comğada ütkärelgän Rişat häm Aliä tuyı, möğayın, bu atnanıñ ğına tügel, ä yılnıñ iñ xikmätle tuyı bulıp tarixta qalır.

Rimzil Wäli, Qazan

XS
SM
MD
LG