Accessibility links

Кайнар хәбәр

Russiä prezidentı Vladimir Putin Mäskäw Çeçnädä prezident häm parlament saylawlarına äzerlekne däwam itäçäk dide.


Putin Mäskäwdä 700-dän artıq jurnalist qatnaşqan matbuğat oçraşuında Çeçnädä mart ayında ütkän konstitutsiä referendumı saylawlarnı kiçekterergä yaramawın kürsätte dip belderde. Saylaw komissiäse wäkilläre Çeçen saylawçıları Çeçnäne Russiäneñ bel öleşe dip tanuçı konstitutsiäne zur küpçelek belän xupladı dip äytä. Çeçnädäge Mäskäw yaqlı xakimiät wäkilläre äytüençä, saylawlar üktäbr ayında ütäçäk. Putin Russiädäge xakimiät tözeleşe turındağı sorawğa Russiädä köçle prezident xakimiäte sistemasına almaş bula almıy dide. Ul şulay uq premyer-ministr Mixail Kasyanov xökümäteneñ eşenä qänäğätlek belderde. Xalıqara mäs'älälärgä kilgändä, Putin äytüençä, İran prezidentı Möxämmät Xatami anı İran atom qoralları yasarğa cıyınmıy dip ışandırğan. Putin Quşma Ştatlar belän Ğiraq suğışına bäyle qarşılıqtan Russiä iñ az yuğaltular belän çıqtı dide.
XS
SM
MD
LG