Accessibility links

җомга, 9 декабрь 2016, Казан вакыты 16:41

Gretsiädä Yevropa Berlege häm Balkan däwlätläre sammitı tämamlandı


Yevropa Berlege citäkçeläreneñ Könbatış Balkandağı 5 dä

wlät başlıqları belän oçraşuı bügen tämamlandı. Cıyınnıñ yomğaq süzendä töbäkneñ kiläçäge-Yevropa Berlegendä dielde.

Azatlıq radiosınıñ samittağı xäbärçese äytüençä, Yevropa Berlegeneñ tışqı säyäsät başlığı Javier Solana, Serbiä häm Çernogoriä, Makedoniä, Albaniä, Xorvatiä häm Bosniä wäkillärenä-bu illärgä Berlekkä kerü yulı açıq bulğanına işarä yasaldı, digän. Äğzalıq yulında iñ zur kirtälärneñ berse-Balkanda oyışqan cinäyätçelek häm korrupsiä bulıp qala. Alarğa qarşı köräş-köntärtibendä berençe mäs'älä bulırğa tieş, dielde sammitta. Yuğarı däräcädäge cıyında räislek itkän Gretsiä premyer-ministrı Kostas Simitis, Yevropa Berlege Balkan däwlätlärenä iqtisadi häm sotsial reformalar uzdırırğa yardäm itäçäk, dip belderde. Kiläse 3 yılda Balkanğa 200 million yevrolıq yardäm bireläçäk, şulay itep 2000 belän 2006nçı yıllar arasında Balkanğa kitkän aqlalarnıñ küläme 5 milliard yevro dip isäplänäçäk.

Gretsiädä yuğarı däräcädäge söyläşülär tämamlanğaç, Serbiä häm Çernogoriä prezidentı Svetozar Maroviç, yaqın kiläçäktä Kosovoda alban citäkçeläre belän oçraşaçağı turında belderde. Prezident süzlärençä, Serbiä häm Çernogoriä böten Yevropa däwlätlärenä-elekke problemanı çişä alğanın kürsätergä cıyına. Berläşkän Millätlär Oyışmasınıñ Kosovodağı wäkile, Associated Press mäğlümat agentlığına, söyläşülär energiä, transport, yuğalğan keşelär häm qaçaqlarnıñ qaytuı kebek mäs'älälär xaqında baraçaq, dip belderde. Kosovo statusı söyläşülärneñ köntärtibenä quyılmıy.

XS
SM
MD
LG