Accessibility links

чәршәмбе, 7 декабрь 2016, Казан вакыты 00:52

Sabantuy äläme - UNESCO tamğası


Qazannıñ cide rayonında ütkän Sabantuyları turında şimbä könne Aqqoş küle häm Qayınlıqtan birelgän reportajlarnı “Azatlıq” radiosı yañğıratqan ide. Şuña östäp, Sabantuyı ütkärelgän säğätlärdä yañğırnıñ tuqtalıp toruı, annarı yañadan şawlap yawa başlağanın äytergä bula. Bıyılğı Sabantuyı, möğayın, Qazannıñ başqa yıldağı Sabantuylarınnan da şäbräk ütkänder. Qatnaşuçılarnıñ sanı, çaralarnıñ küplege buyınça xäzer Sabantuyı urısın, tatarın, başqa millätlärne cälep itärlek, qızıqlı sänğät, sport, sıylanu, küñel açu buyınça berqayda da oçramıy torğan ber cıyın bulıp kitte. Qayınlıqta ütkän iñ zur Sabantuyında çatırlar östendä UNESCO tamğası yıraqtan kürenep tora ide. Köz köne şuşı xalıqara oyışma Sabantuyın matdi bulmağan ruxi miras şedevrı bularaq raslap, maxsus isemlekkä kertelü mäs’äläsen qarıy. Bu tatar, başqort häm başqa millätlärneñ milli mädäniäten kürsätü, törki xalıqlarnı tuplaw, alarnıñ abruyın kütärü öçen yaña mömkinleklär açaçaq.

XS
SM
MD
LG