Accessibility links

якшәмбе, 11 декабрь 2016, Казан вакыты 07:23

Çirkäwle awılda Sabantuyın xalıq üze oyıştıra...


Zur Sabantuylarında zur türälär, şäp çapqınnar bulsa, qayberäwlär ğadi awıllarnıñ keçkenä Sabantuyların yarata. Bıyıl mäğärif ministrlığı uquçılar Sabantuyı ütkärde, Qazannıñ üzägendäge Kuba dip atalğan mäxällädä dä şähärneñ ber uramında yäşäwçelär Sabantuy ütkärde. Qazan yanındağı Voznesenie awılında ğömer-ğömergä urıslar tora. Anda 120 yäşlek çirkäw dä bar. Soñğı waqıtta biredä yaña yortlar, yazlıqlar tözelä başladı. Awıl çitendäge quaqlıq yanında mäçet tözelde. Ä quaqlar arasındağı mäydançıqta soñğı yıllarda awıl Sabantuyı ütä başladı. Anda tatarlar bik şatlanıp kilä, ämma küpçelek barıber – urıslar. Awıl xakimiäte başlığı Valentina Fedulova Sabantuyğa bik zatlı büläklär xästärlägän, sponsorlar tapqan.

Bıyılğı Sabantuyğa respublika, şähär, xätta rayon xakimiäteneñ räsmi wäkilläre kilmägän ide. Alar zur qunaqlarnı ozatıp yöri. Ä şul waqıtta Voznesenie keşeläre - urısı, tatarı, görlätep Sabantuyı ütkärde. İñ yaxşı köräşüçegä muzıkal' üzäk. Arqan tartışu, futbol, qul köräşterü bigräk tä kierenke bardı. Häm barısı da töngä qädär biedelär. Menä şundıy tabiği yarış-mäcleslär ğadi keşegä bik tansıq. Mondıy Sabantuyın ütkärgän urıslar hiç assimilyatsiälänmi, üz telen, mädäniäten yuğaltmıy. Ä cırlar, biü köyläre xäzerge zamanda ber genä telle bulmıy ul.

XS
SM
MD
LG