Accessibility links

Кайнар хәбәр

Gretsiä xakimiätläre Sudanğa baruçı, 680 tonna şartlatqıç töyägän korabnıñ totqarlanuı öçen tänqitläwlärne kire qağa


Älege korab uzğan yäkşämbe kiçendä diñgezneñ Gretsiä qaramağındağı öleşendä Gretsiä çik saqçıları tarafınnan totqarlandı. Ul korab turında Gretsiä xakimiätlärenä NATO köçläre xäbär itkän bulğan. Sudan tışqı eşlär ministrı Mostafa Osman İsmail bu şartlatqıçlar Tunistağı ber şirkättän Sudandağı xoquqıy nigezdä eşläwçe şirkät öçen satıp alınğan dip Gretsiäneñ ğämällären tänqitläp çıqtı. Ämma Gretsiäneñ säwdä flotı ministrı Giorgos Anomeritis tikşerüçelär ul şirkätneñ poçta adresınnan başqa bernärsäse dä bulmawın açıqladı dip İsmailnıñ ğäyepläwlären kire qaqtı. Korabta şartlatqıçlar belän bergä 5 ukrain häm 2 azeri dä totqarlandı. Xäzer röxsätsez şartlatqıçlar taşu belän şöğellänüdä häm terrorçılıqqa bäyle buluda şiklänülär nigezendä alar soraw aluğa tartıla.
XS
SM
MD
LG