Accessibility links

якшәмбе, 11 декабрь 2016, Казан вакыты 03:24

Ğiraqta AQŞ häm Britan xärbilärenä qarşı yaña höcümnär buldı


Ğiraqta AQŞ xärbiläre belän äle genä bulğan bäreleşlär waqıtında 5 ğiraqlı hälak buldı dip belderelä. Bağdadtan könbatıştaraq urnaşqan Falluya şähärendä AQŞ xärbilärenä granata atqıçtan ut açqan bulğannar. AQŞ xärbiläre cawap utı açıp höcüm itüçelärneñ bersen ütergän dip xäbär itelä. Bağdadtan könbatıştaraq urnaşqan başqa ber şähär Ramadida 4 ğiraqlı üterelde dielä. Biredä berniçä maşina kisätülärgä tuqtamıyça AQŞ xärbilärenä taba barğan. AQŞ köçläre citäkçeläreneñ berse serjant Keith O''Donnel äytüençä, maşinalarnıñ bersennän xärbilärgä ut açqan bulğannar häm AQŞ xärbiläre alarğa ut belän cawap birgän.

Britaniä saqlanu ministrılığı bügen Ğiraqnıñ könyağında Britaniäneñ berniçä soldatına qarşı höcümnär buldı, yaralanuçılar bar dip belderä. Höcüm Britan köçläre qaramağındağı Amara şähäre yanında bulğan. Bu höcüm turında täfsilleräk mäğlümät äle kilep ölgermäde. Britan xärbilärenä kemnärneñ höcüm itüe dä mäğlüm tügel. Bügen Ğiraqnıñ neft ütkärgeçläre tiräsendä dä iminlek çaraları nığıtıldı. Küptän tügel biredä berniçä şartlaw bulğan ide. Kiçä Ğiraqnıñ neft'' ministrlığı räsmiläre bu şartlawlarnı fetnäçelek dip ğäyepläp çıqqan ide. Bügen ministrlıq wäkilläre ütkärgeçlärne annan neft'' urlawçı qaraqlar şartlatqan bulırğa mömkin dip belderde.

XS
SM
MD
LG