Accessibility links

якшәмбе, 4 декабрь 2016, Казан вакыты 03:08

İzrail'' xärbiläre bügen Könbatış Yarnıñ Nablus häm Hebron şähärlärendä iminlek maqsatındağı çistartular näticäsendä 130-dan artıq fälestinle totqarlandı dip belderä


Armiä wäkilläre äytüençä, bu çistartular Hamas suğışçan törkeme äğzalarına häm alarnı yaqlawçılarğa qarşı oyıştırılğan. Fälestin xökümäte äğzası Yassir Abed Rabbo Reuters xäbär agentlığına bu çaralar tınıçlıq urnaştıru eşen däwam itügä taba xäräkätne totqarlaw öçen oyıştırılğan dide. Fälestin premyer-ministrı Mäxmüt Abbas Hamasnıñ İzrail'gä qarşı höcümnären tuqtatu turında Hamas citäkçeläre belän söyläşülär alıp bara. Bügen Hamas citäkçese Abdul Aziz Rantisi İzrail'neñ höcümnäre däwam itkändä Hamas atışlarnı tuqtatu çaqıruına cawap birä almıy dip äytte. Bügen İordaniä patşası Abdulla İordaniä İzrail' häm Fälestin törkemnäre arasında atışlarnıñ tuqtaluı öçen aradaşlıq itä ala, ämma monıñ öçen İzrail' fälestin yortların cimerü häm suğışçan törkem citäkçese dip şiklänelgännärne üterü säyäsätennän baş tartırğa tieş dide.

XS
SM
MD
LG