Accessibility links

шимбә, 3 декабрь 2016, Казан вакыты 07:44

Yewropada İminlek häm Xezmättäşlek Oyışması Taciqstanda uzğan atna axırında ütkän konstitutsiä üzgärtü referendumınıñ räsmi näticäläre uñayınnan borçılu belderde


Oyışma referendumda barlıq saylawçılarnıñ 96 protsenttan artıq öleşe qatnaştı digän räsmi belderü anıñ näticäläreneñ döres buluına şik uyata di. Referendumnı oyıştıruçılar äytüençä, anda qatnaşqannarnıñ 93 protsenttan artığı konstitusiäneñ üzgärtelüen xuplap tawış birgän. Bu üzgäreş prezident Emomali Raxmonovqa xäzerge prezidentlıq möddäte 2006-nçı yılda tämamlanğannan soñ tağın 2 märtäbä 7-şär yıllıq möddätkä saylanu xoquqı birä. Yewropada İminlek häm Xezmättäşlek Oyışması bez referendumğa küzätüçelär cibärmädek, çönki bezne anda çaqırmağannar ide di. Kiçä AQŞ däwlät departamentı wäkile Philip Reeker Taciqstan referendumı açıqlıq yağınnan xalıqara qısalarğa sıyışmadı dide. Ul Taciqstan xökümäten üz eşen häm üz säyäsäten irekle häm ğädel saylawlar aşa daimi räweştä sınap barırğa çaqıra.

XS
SM
MD
LG