Accessibility links

Кайнар хәбәр

Ğiraqta 6 xärbineñ hälak bulu Britaniäne tuqtatmıy


Ğiraqnıñ Amar şähäre yanında altı britan xärbieneñ hälak buluı da Londonnı Ğiraqta tärtip urnaştıru missiäse niätennän kire qaytarmayaçaq. Bu turıda Böyekbritaniäneñ saqlanu ministrı Jeff Hoon Xun belderde. Anıñ mäğlümätlärenä qarağanda, hälak buluçılar Ğiraq politsiäsen öyrätergä alınğan Britaniäneñ xärbi politsiäse xezmätkärläre bulğan. Hoon şulay uq, Ğiraqta üzläreneñ xärbilären arttıraçaq dip tä belderde. Bu ütereşlär artında kem torğanı älegä bilgele tügel. Läkin ağentlıqlar qayber xäbärlärne citkerä. Reuters agentlığı mäğlümätlärenä qarağanda, bu cinayätne qoral ezläwlärgä riza bulmağan tınıç tormıştağı cirle xalıq başqarğan. Ğiraq politsiäse bu cinayät Majar äl Käbir şähärendä uram çığışılarında hälak bulğannar öçen üç alu niätennän äşlängän, dip raslıy.
XS
SM
MD
LG