Accessibility links

шимбә, 3 декабрь 2016, Казан вакыты 16:57

AQŞ -Yevropa Berlege summitında Prodi "iske Yevropanı" iskä töşerde


Çärşämbedä Waşingtonda Quşma Ştatları belän Yevropa Berlege arasında yıllıq sumit bulıp ütte. Taraflar cıyınnı Ğıraq suğışınnan soñ tatulaşu oçraşuı dip bäyäläsälär dä , fälästin radikal törkeme Hämäs, suğış cinayätläre mäxkämäse häm genetik yaqtan üzgärtelgän azıq tölek kebek mäsälälärdä taraflar urtaq tel taba almadı

AQŞ prezidentı G.Bush belän Yevropa Berlege citäkçeläre çärşämbedä Ğıraq suğışı häm başqa mäsälälärdä aylarça däwam itkän bäxäslärdän soñ üzara mönäsbätlärendä yaña saxifä açarğa wäğdä ittelär.Yıllıq sumit tämamlanğannan soñ ütkärelgän mätbuğat oçraşuında citäkçelär trans atlantik berektäşlegeneñ ähämiätenä basım yasap törle kileşülärgä şulsanda terrorğa qarşı köräş, küpläp üterü qoralların cäyeldermäü kebek kileşülärgä ireşkän buluların iğlan itte. Alar İrannı atom qoralları eşlämäskä häm Xalıqara Atom Agentlığı belän xezmätäşlek itärgä çaqırdılar. Prezident Bush Tehrannı agentlıq belän östämä protokol tözep üzeneñ atom qorılmaların yışraq tikşeretergä öndäde. Amerika citäkçese(audio) Xalıqara Atom Agentlığınıñ küptän tügel birgän xisabınnan añlaşılğança ,İran dönyağa bulğan yöklämälären ütäü şulayuq agentlıq räsmilärenä tikşerü röxsäte birü kebek eşlärne yaxşılap eşlämägän. AQŞ häm Yevropa berlege İran Atom agenltlığı belän tulısınça xezmättäşlek itergä tieş digän mäsälädä kileşä.

Yevropa Komissiäse prezidentı Prodi dä Yevropanıñ İranğa qarata qatıraq pozitsiäsen kürsätep bolay dide (audio) İran belän dialog här kön bara ,bez alarnıñ inspeksiälärne , xätta kötelmägän sürpriz inspeksiälärne qabul itüläre öçen tırışabız , çönki bez kiläçäktä tınıçlıqqa qurqınıç yanamağının belergä tieşbez Ğıraq suğışı bilgele bulğança2-nçe böten Dönya suğışınnnan soñ , berlek belän Amerika arasındağı in yaman krizis bulıp tora. Älbättä summitağı yaxşı atmosferağa qaramastan ike arada küp kenä mäsälälärdä fiker ayrımalıqları qaldı. Berlek AQŞnıñ yaña säyäsäte preventiv xärbi höcümnäre belän kileşmägän kebek Waşingtonnıñ genetik yaqtan üzgärtelgän azıq tölekne yaqlap çığuı, şulayuq fälästin radikal törkemnäre belän eş itü häm Yasir Arafatqa kürsätelgän möğämälä dä ike arada xäl qılınmağan eşlär bulıp tora. Yaqın könçığış öçen tınıçlıq planıñ AQŞ, Berlek, Russiä häm BMOsı äzerlägän ide. G.Bush arfatnı tämam çitkä qağıp,fälästinnärneñ yaña premiere Abbas belän genä eş itergä teli. Berlek Arafat belän dä küreşü yağında Press konfresniädän elek Aqyort süzcese Fleisher brifing ütkärep jurnalistlarğa , prezident Hämäs törkeme belän elemtälräen özsen dip yevropalılarğa basım yasayaçaq dip äytkän ide. Xälbuki Fransiä Hämäsneñ politik qanatı tınıçlıq protsesında möhim rol uynıy ala digän qaraşta.Prezident Bush berlekne Hämäs häm başqa şundıy törkemnär belän elemtälären özergä çaqırdı. Bush , Prodi häm Simitis press konferensiädä ütkändäge bäxäslärne tämam onıtırğa qarar birgän buluların añlarğa birdelär. Xäterli torğansızdır! AQŞ saqlanu ministırı Rumsfeld suğışqa qarşı çıqqan Fransiä häm Germaniene iske yevropaä suğışnı yaqlauçılarnı yaña yevro dip mısqıllağan ide mart ayında . Yevropa komissiäse prezidentı Romano Prodi moñı iskä töşerep bik matur itep bolay dip äytte(audio) küpkenä keşelär yevropanı bik qart dip äytälär. Bälkim dä, ämma olı yäş bezgä köçle häm zäğif yaqlarıbıznı , dönyadağı çınbarlıqnı añlarğa yardäm itä.Minemçä , prezident äfände yevropa yalğız toru öçen bik qart ä Quşma Ştatları dönyabızda tınıçlıq urnaştıru öçen bik yäş, şunlıqtan bergäläşep dönyabızğa tınıçlıq kiterü bezneñ vazıyfabız bulıp tora. Bush bu süzlärgä yılmayıp, bu könnärdä sin yäşärep kitten äle dip Prodigä kompliment yasadı.Bilgele bulğança Yevropa genetik yaqtan üzgärtelgän azıq tölekkä, ozın möddät eçendä keşe sälämätlegenä nindi täsir yasar bilgesez dip ,qarşılıq kürsätä. Amerika isä bu ikmäk , igen här törle hava şartlarında üsä, yarlı xalıqnı tuydıru öçen berdänber çara dip qarıy. Fleishergä qarağanda prezident töşkä aş waqıtnda yevropalı qunaqlarına äydägez genläre üzgärtelgän aşlarını aşap kilik äle dip alarnı aş bülmäsenä alıp kergän. Fleisher böten qunaqlar kölde dip äytsä dä ,qunaqlar ırjaıdımı,ällä çın yöräktän köldeme , anısın belmim

färidä xämit, praga
XS
SM
MD
LG