Accessibility links

җомга, 9 декабрь 2016, Казан вакыты 13:00

Tatarstanlılar Kama Alanındağı atom elektrostansiäsen tözügä qarşı çığa...


28 yünnän 30na qädär Tatarstanda respublikanıñ Kama Alanı bistäsendä atom elektrostansiäsen tözüne yañartuğa qarşı protest marşı uzaçaq. Anda Tatarstannıñ atomğa qarşı cämğiäte, tabiğätne saqlaw oyışmaları, yäşlär xäräkätläre wäkilläre, tatar ictimaği oyışmaları häm başqalar qatnaşa. Qatnaşuçılar respublikanıñ Alabuğa rayonında, Kama yarında cıyılaçaq. Qarşılıq marşı şimbä könne Alabuğanıñ üzäk mäydanında mitingtan başlanıp kitäçäk. Şunnan soñ marşta qatnaşuçılar Çallı, Tübän Kama şähärlärenä yul totaçaq, anda da qarşılıq mitingları ütkäreläçäk. Protest marşı waqıtında Kama Alanında tözeläçäk atom elektrostansiäsenä qarşı imzalar da ciyilaçaq. İsegezgä töşerep ütik, Kama Alanı tiräsendäge atom elektrostansiäsen tözü ütkän ğasırnıñ 90 yıllarında tuqtatılğan ide. Älege ğämäl stansiäneñ seysmologik yaqtan totrıqsız urında urnaşuwı belän añlatıldı. Soñğı waqıtta bu tözeleşne yañadan başlap cibärü turında süzlär torğan sayın qatıraq yañğırıy. Ber distä yıl eçendä bu atom elektrostansiäse tözeläse urın totrıqlılanğanmı, ällä inde anı yañartu öçen başqa säbäplär bu faktornıñ ähämiäten kimetergä sälätleme? Bu sorawğa cawapnı ğälimnärdän häm belgeçlärdän torğan komissiä birergä tieş. Älegä tözeleş 2010 yılda başlanıp kitär dip kötelä.

Gölnaz İlgizär, Qazan

XS
SM
MD
LG