Accessibility links

җомга, 9 декабрь 2016, Казан вакыты 09:00

Tatarstan awıl xucalığındağı wäzğiät...


Küptän tügel Rusiä mäğlümät çaraları bıyıl Donda, yäğni Rostov ölkäsendä ikmäk bulmıy digän xäbär tarattılar. härxäldä sınamış uraqqa çığu näticäläre bıyılğı uñışnıñ uzğan yılğıdan ike märtäbä kim bulaçağın kürsätkän. Rusiäneñ ikmäk ambarı dip yörtelgän Kuban'da, Krasnodarda da xällär şäp tügel di. Salqın qış, yazğı qorılıq igençelekkä zıyan kitergän. Mäğlüm ki Tatarstan torğınlıq yıllarında däwlätneñ ikmäk ambarı digän isemnärgä layıq bula almadı. Ä xäzerge çorda yıl sayın xalqın tuyındırırlıq häm çitkä satarlıq uñış cıyıp ala. Respublika, aşlıq, it, söt kebek iñ möhim awıl xucalığı produktsiäläre citeşterüdä Rusiä töbäkläre arasında berençe öçlektä isäplänä. Bu Tatarstan Däwlät Şurasına prezident yullamasındağı süzlär. Respublika ike yıl rättän altışar million aşlıq citeşterep kilä. Bıyıl klimat şartları respublika awıl xucalığında märxämät kürsätmi äle. İnde ber ay çaması salqın häm könnär buyı yañğır qoya. Awıl xalqı peçängä çığa almıy integä. 26 iyün könne Ministrlar Kabinetı terlek azığı äzerläwgä bağışlanğan maxsus selektor kiñäşmäse ütkärde. Räsmi mäğlümät çaraları Premyer-ministr urınbasarı-awıl xucalığı ministrı Marat Axmetov, älege kiñäşmädä is kitärlek fakt kiterde dip xäbär ittelär. Xäzerge köngä respublikada ber rayon külämendä genä terlek azığı äzerlängän. Azatlıq radiosı öçen birgän äñgämäsendä ministr urınbasarı Tahir Hadiev awıl xucalığındağı wäzğiätne bolay bäyäläde.

Älbättä äle kontrol' suqtırular ütkärergä, bulaçaq uñışqa räsmi farazlar birergä irtäräk. Şulayda awıl xucalığında 30 yıllap eşläwçe ber tanışım Borçılırlıq tügel urtaça gektarınnan 30 sentner uñış çığar inde ul dide. Alay bulsa 2003 yılğa prezident yullamasında quyılğan yöklämä 5 million tonna ikmäk cıyıp alu ütälä digän süz.

Yunıs Ätnäle. Qazan.

XS
SM
MD
LG