Fälästinlelär yağınnan terror ğämällären tuqtatunı häm İzrailneñ Könbatış Yar wä Gaza sızığınnan ğäskärlären çığarunı maqsat itep quyğan comğa söyläşülärendä fälästin üzidaräsennän iminlek citäkçese Möxämmäd Dahlan, İzrail yağınnan general Amos Gilad, İzraildäge amerikan ilçese Dan Kurtzer häm solıx planın ğämälgä quyunı küzätüçe amerikan wäkilläre başlığı John Wolf qatnaştı, xörmätle tıñlawçılar. Şunda İzrail berniçä yulnı, şul isäptän Gaza sızığın tönyaqtan könyaqqa kisep töşkän olı yulnı yañadan aşu belän kileşte, moñardan tış Gaza belän İzrail çigendäge Karni çik nığıtmasın açu xaqında da kileşende, meñlägän fälästinlegä şulay itep, eşläw öçen İzrailgä baru mömkinlege açıldı. Çik aşa ütülär öç yıl elek fälästin intifadası başlanğannan birle yabılıp torğan ide. Näticädä 100 meñnän artıq fälästinle İzrailgä barıp eşläwdän mäxrüm qaldı. İke yaq xäzer qayber fälästin totqınnarın azat itü mäs''äläsen dä tikşerä. İzrailneñ tışqı eşlär ministrı Silvan Şalom älege söyläşülär xaqında comğa könne bolay dip belderde:
Audio, Silvan Şalom
"Bezneñ fälästinlelär belän fiker alışularıbızda täräqqiat bar, ike yaq ta äle bügen ük yäisä irtägä tağın ber oçraşu ütkärä ala" di İzrailneñ tışqı eşlär ministrı. Anıñ süzlärenä qarağanda, fälästin yağına strategik qarar qabul itü öçen waqıt citte, alar cawaplılığına küçerelgän teläsä nindi cirdä alar yağınnan terrorğa häm qan qoyuğa çik quyu yöklämäse bulırğa tieş.
Audio, Silvan Şalom
Ul arada, İzrailneñ fälästin yağı belän aralaşuwı, terrorğa çik quyu maqsatında radikal'' dairälär belän dä elemtägä kerüwe, bügenge köndä totqında bulğan kürenekle fälästin wäkile, 43 yäşlek Märwan Barğudineñ abruyın arttıruğa kiterä, soñğı xällärdän şunı abaylap bula. Qayçandır Könbatış Yarda Yäsir Arafatnıñ Fatah xäräkäten citäklägän häm İzrailgä qarşı çığışları belän uramnarda meñlägän keşene cıyğan Barğudi 2002-nçe yıldan birle İzrail törmäsendä totıla, İzrail anı törle höcümnärdä 26 yähüd watandaşın üterüdä ğäyepli. Märwan Barğudi bu ğäyepläwlärne kire qağa, ul üzen nindider qorallı törkem citäkçese tügel, ä berençe çiratta säyäsätçe itep sanıy. Häm anıñ säyäsi ostalığı soñğı könnärdä şaqtıy açıq kürende. İzrailgä qarşı höcümnär yasap torğan fälästin radikalları belän 3 aylıq solıxqa näq menä anıñ yardämendä ireşelde. Äle bıltır cäy aylarında uq Barğudi, fälästin idaräse üteneçe belän totqınnan Xämäs häm İslam Cihadı oyışmalarınıñ Damaskta utırğan wäkilläre, Xälid Maşal häm Ramadan Sälax belän aralaşa başlağan ide. İzrailneñ üzenä qarşı ayawsız suğış alıp barğan fälästin radikalları belän elemtäläre şulay itep Märwan Barğudi aşa urnaştırıldı. Ul inde bolay da fälästinlelär arasında şaqtıy tanılğan keşe ide, bu ölkädä ul abruyı yağınnan Yäsir Arafattan ğına qalışa. Könbatış yaña fälästin citäkçese itep kürergä telägän premyer Mäxmüt Abbasta andıy populärlek yuq, misal öçen. Şuña da Barğudineñ kiläçäktä Arafat urınına kilüwe bik mömkin, häm qayber fälästin wäkilläre İzrailne dä monı tanırğa çaqıra. Elek solıx söyläşülären alıp barğan Säeb Erekat, İzrail Barğudine xökem itep xata eşli, anı kiresençä kiläçäktäge fälästin citäkçese itep äzerlärgä kiräk dip isäpli.
Kärim Kamal, Praga.
Audio, Silvan Şalom
"Bezneñ fälästinlelär belän fiker alışularıbızda täräqqiat bar, ike yaq ta äle bügen ük yäisä irtägä tağın ber oçraşu ütkärä ala" di İzrailneñ tışqı eşlär ministrı. Anıñ süzlärenä qarağanda, fälästin yağına strategik qarar qabul itü öçen waqıt citte, alar cawaplılığına küçerelgän teläsä nindi cirdä alar yağınnan terrorğa häm qan qoyuğa çik quyu yöklämäse bulırğa tieş.
Audio, Silvan Şalom
Ul arada, İzrailneñ fälästin yağı belän aralaşuwı, terrorğa çik quyu maqsatında radikal'' dairälär belän dä elemtägä kerüwe, bügenge köndä totqında bulğan kürenekle fälästin wäkile, 43 yäşlek Märwan Barğudineñ abruyın arttıruğa kiterä, soñğı xällärdän şunı abaylap bula. Qayçandır Könbatış Yarda Yäsir Arafatnıñ Fatah xäräkäten citäklägän häm İzrailgä qarşı çığışları belän uramnarda meñlägän keşene cıyğan Barğudi 2002-nçe yıldan birle İzrail törmäsendä totıla, İzrail anı törle höcümnärdä 26 yähüd watandaşın üterüdä ğäyepli. Märwan Barğudi bu ğäyepläwlärne kire qağa, ul üzen nindider qorallı törkem citäkçese tügel, ä berençe çiratta säyäsätçe itep sanıy. Häm anıñ säyäsi ostalığı soñğı könnärdä şaqtıy açıq kürende. İzrailgä qarşı höcümnär yasap torğan fälästin radikalları belän 3 aylıq solıxqa näq menä anıñ yardämendä ireşelde. Äle bıltır cäy aylarında uq Barğudi, fälästin idaräse üteneçe belän totqınnan Xämäs häm İslam Cihadı oyışmalarınıñ Damaskta utırğan wäkilläre, Xälid Maşal häm Ramadan Sälax belän aralaşa başlağan ide. İzrailneñ üzenä qarşı ayawsız suğış alıp barğan fälästin radikalları belän elemtäläre şulay itep Märwan Barğudi aşa urnaştırıldı. Ul inde bolay da fälästinlelär arasında şaqtıy tanılğan keşe ide, bu ölkädä ul abruyı yağınnan Yäsir Arafattan ğına qalışa. Könbatış yaña fälästin citäkçese itep kürergä telägän premyer Mäxmüt Abbasta andıy populärlek yuq, misal öçen. Şuña da Barğudineñ kiläçäktä Arafat urınına kilüwe bik mömkin, häm qayber fälästin wäkilläre İzrailne dä monı tanırğa çaqıra. Elek solıx söyläşülären alıp barğan Säeb Erekat, İzrail Barğudine xökem itep xata eşli, anı kiresençä kiläçäktäge fälästin citäkçese itep äzerlärgä kiräk dip isäpli.
Kärim Kamal, Praga.