Accessibility links

Hämäs häm İslam Cihad İsraelgä qarşı köç qullanunı 3 ayğa tuqtatıp tora


Mäğlümat agentlıqları Fälestinnärneñ suğışçan Hämäs häm İslam Cihad oyışmalarınıñ 3 ayğa İsraelgä qarşı köç qullanunı tuqtatu turında kileşü qabul itkännären xäbär itte. Reuters birgän mäğlümatkä qarağanda urtaq belderüdä -"sionist doşmanğa qarşı xärbi çaralarnıñ waqıtlıça tuqtatıluı" turında süz bara. Köç qullanunı tuqtatu-İsraelneñ dä bu oyışmalarğa qarşı çaralarnı tuqtatuı, fälestin töbäklärennän blokadanı alu şartı belän iğlan itelde.

Amerika Quşma Ştatlarnıñ Milli İminlek kiñäşçese Condoleezza Rice İsrael citäkçelege belän Yaqın Könçığışta tınıçlıq urnaştıru plannarı turında söyläşülär başladı. Xökümät başlığı Ariel Şaron belän bulğan oçraşu turında Rice ber nindi dä añlatmalar birmäde, läkin İsraelneñ iminlek köçläre irtägä Gaza sızığınnan ğaskärlärne çığara başlawları turında belderde.

Kiçä Rice Könbatış Yardağı Jericho şähärendä Fälestin premyer-ministrı Mähmüd Abbas belän oçraştı. Söyläşülärneñ näticäse turında mäğlümat yuq.Ay başında İsrael häm Fälestin premyer-ministrları belän oçraşqan Amerikan prezidentı George Bush, "tınıçlıq yulı" planın ğamälgä aşıruda Rice häm Däwlät Sekretare Colin Powellnı ike tarafqa da yardäm itü öçen bilgeläde.
XS
SM
MD
LG