Bügen Bağdadta ber Ğiraq keşese haläk buldı häm ike amerikan xärbie yaralandı. Amerikan ğaskärläreneñ matbuğat wäkile xäbär itüençä –xärbilärgä höcüm yasalğan. Ğiraq keşeseneñ niçek ülgäne turında xäbär itelmi. Çärşämbe könne bilgesez yuğalğan 2 amerikan xärbieneñ mäyetläre kiçä tabıldı. Amerikan köçläreneñ matbuğat wäkile mayor Sean Gibson bu xäbärne raslap, "koalitsiä köçläre 25 iün könne yuğalğan ike Amerikan xärbieneñ qaldıqların taptı. Tikşerülär Bağdadtan tönyaqkönbatışqa taba 40 çaqrım yıraqlıqta tabılğan bu mäyetlärneñ çınnan da yuğalğan xärbilärneke buluın kürsätte", dip belderde. Kimendä 12 Ğiraq keşese tikşerülär uzdırğanda qulğa alınğan. 1 May könne, Amerikan prezidentı George Bush Ğiraqta iñ zur xärbi çaralarnıñ tämamlanuı turında belderü yasağannan soñ, Ğiraqta kimendä 23 amerikan ğaskärie haläk buldı.
