Accessibility links

Кайнар хәбәр

Äfğan xatın-qızları 2004 Olimpiä Uyınnarında qatnaşaçaq


Xalıqara Olimpiä Komitetınıñ başqarma idaräse Äfğanstan Olimpiä komitetınıñ xatın-qızlarnıñ uyınnarda qatnaşuın tıyğan çikläwlärne ğamäldän çığaruı turında belderde. 1999nçı yılnıñ üktäberendä xatın-qızlarnı sport uyınnarında qatnaştırunı tuyu turındağı qararnı Taliban xakimiäte çığarğan ide. Komitetnıñ sport direktorı Gilbert Felli, bügenge qarar Äfğanstanğa 2004nçe yılda Gretsiä başqalası Afinda uzaçaq uyınnarğa üz sportçıların cibärergä mömkinlek birä, dip belderde.

Äfğan räsmiläre, kiläse yıl Olimpiä uyınnarına Äfğanstannan köräşçelär, boxerlar, taekvondo köräşçeläre, häm tağın qayber başqa sport törlärenä üz sportçıların cibärä alaçaq, dide. Xalıqara Olimpiä Komitetınıñ –başqa illärdäge bülekçäläre belän eşläwçe direktorı Pere Miro Äfğanstanda bulıp kitkäç-Äfğanstannıñ sport programmalarında monnan soñ xatın-qızlarğa töp rol bireläçäk, dip belderde.
XS
SM
MD
LG