Tanılğan fälästin fırqalarınıñ yäkşämbedä 3 ay buyı izraelgä höcümnärne tuqtatıp torırğa qarar birüläre Prezident Bushnıñ milli iminlek mäsälälärendäge kiñäşese C.Riseneñ fälästin häm izrael citäkçeläre belän ike könlek söyläşülären tämamlağan waqıtqa turı kilde. Bu xabär yaqın könçığışta 33 ay däwam itkän köç qullanu tuqtala digän ömedlär tudırsa da , izraeldä ällä ni yuğarı bäyä birelmäde, fälästin xakimiätläre bu törkemnärgä qarşı çaralar kürmäsä fälästin qorallı törkemnäre waqıtnı yañadan oyışu qorallanu öçen qullanaçaq dip äytelde. İzrael tışqı eşlär ministırılığı ölkän räsmiä Gideon Meir (audio)
bez fälästinnärneñ yaña citäkçelege terror oyışmalarına qarşı çaralar kürer dip telibez . Moñı tışqı eşlär ministırı Shalom Rice xanımğa da belderde
Meir dewam itep (audio)
tışqı eşlär minsitırı Silwan Shalom Rice xanınmğa atışlarını tuqtatıp toru çınbarlıqta şartlarğa torğan bomba dip äytte. Çönki fälästin xakimiätläre belän terror oyışmaları arasında eçke kileşü bulğan (möddätçä) häm terror infrastrukturası urınında qalğan möddätçä tınıçlıq urnaşa almi
Bush administratsiäse yaqın könçığış tınıçlıq inisiativasın ozaq qına aradan soñ yañadan quzğatıp ciberde .Ul İzraelne dä Fälästinnärne kirtä itep kürergä telämi. Bilgele bulğança ''tınıçlıq yulı'' dip atalğan inisiativa 3 yıl eçendä kiñnigezle kileşügä ireşüne häm fälästin däwläten oyıştırunı küzdä tota. Waşingtonda Prezident Bush mäqsat atışlarnı tuqtatu tügel , ä Hämäsne taratu dip äytte. Aqyort yäkşämbe waqıyğälärenä saqlıqlı reaksiä kürsätte. Süzçe Ashley Snee tınıçlıq yulına esasän taraflar terror infrastrukturaların taratırğa tieş, eşläse eşlär äle küp dip äytte. Belderüdä Condolesa Rice Bushnıñ fälästin premire Abbasnı Waşingtonğa däğwät itüen qabatladı dip äytelä. Abbas säfäre öçen waqıt bilgelänmägän. Köç qullanunı tuqtatu turında birelgän wäğdälär yış qına ütälmäde, bu märtäbä Hämäs, İslam Cihadı häm Fatahnıñ bergäläp atışlarnı tuqtatu qararı bälkim dä ber möddät tınıçlıq urnaşır digän mömkinlek tudıra. Hämäs häm Cihad yäkşämbedä yasağan belderüdä zionist doşmanğa qarşı xärbi operatsilären 3 ayğa tuqtatuların belderä. Törkemnär atışlarnı tuqtatu öçen alşartlar alğa sörmäsä dä, İzraelgä taläplär quyğan. Bu taläplär mondıy:İzrael şiklängän fälästinnärne üterüne tuqtatırğa tieş, törmädä totılğan fälästinär irekkä çığarılırğa, Yasir Arafatnı öy sağı astında totu beterelergä tieş. Törkemnär bu taläplär öçen waqıt bilgelämi, ämma ütelmägän oçraqta , doşman cawaplı bulaçaq bu inde höcümnär başlana ala digän süz. Hämäs süzçese Abdel Aziz Rantisi(audio)
Hämäs häm İslam Cihadı 3 ay şartlı atışlarnı tuqtatuğa riza buldı. Ägär dä izrael fälästinnärgä qarşı agressiäne tuqtatmasa, Hämäs häm Cihad İzraelgä inisiativanı bozğan agressorlar dip qarayaçaq häm bez törle çaralar belän cawap qaytaraçaqbız Hämäs belän İslam Cihadı İzrael belän solıx söyläşülärenä här waqıt qarşı çığıp kilde , Arafat häm Abbasnıñ politik xäräkäte Fatax ta üz deklaratsiäse belän yuğarıda äytep kilgän törkemnärgä quşıldı. Premier Abbas atışlarnı tuqtatuğa ireşergä tırıştı, ul fälästin fraksiälärenä qarşı köç qullanuğa qarşı çönki bu fälästinnär arasında eçke suğışqa alıp baraçaq di. Xabärlärgä qarağanda İzrael Gaza Sızığında kontrol puktların fälästinnärgä tapşırğan. İzrael tışqı eşlär minsitırı Silvan Shalom bugen (audio)
Hämäs , İslam Cihadı häm Fatah atışlarnı tuqtatu kileşüen İzrael belän eşlämäde.Bu kileşü Fälästin xakimiäte belän ektremist terror törkemnäre arasında .Bez bu kileşüdä partnär tügel , bez fälästin xakimiätläreneñ terror oyışmalarınıñ infrastrukturasın taratuın , legal bulmağan qorallarnı cıyıp aluın , künegü lagerların yabuın taläp itäbez
İzrael taläplär quya ala , ämma çista isemnän başqa ber nindi köçkä iä bulmağan Mäxmud Abbas alarnı niçek ütärgä tieş. Radikal törkemnär wağdä itkännäreçä 3ay atışlarnı tuqtatıp torsalar üze möğcizä bulır , bälkim şul arada politik frontta nindider alğa kiteş bulır ide.
färidä xämit, praga
färidä xämit, praga