Accessibility links

шимбә, 3 декабрь 2016, Казан вакыты 12:43

Kaliningradta dispetçerlar eş taşlıy


Kaliningradta hawa xäräkäte dispetçerları qarşılıq aksiäsen başladı. Alar 2002 yılnıñ dikäberendä Rusiäneñ törle töbäklärendäge qarşılıq aksiälärennän soñ, xakimiätlär belän hawa şirkäte hönär berlege arasında imzalanğan kileşüneñ ütälüen taläp itä. Kaliningrad hönär berlege citäkçese Konstantin Kiselyov süzlärenä qarağanda, xezmät xaqın 30% kütärü turındağı wäğdä haman ütälmägän. Qarşılıq aksiäse möddätsez cıyılış räweşendä bara. Dispetçerlar üzläreneñ wazifaların başqarunı däwam itälär. Läkin şirkät binasınnan çıqmıylar. Qarşılıqta qatnaşuçılar, ägär dä citäkçelek alarnıñ ğözerlärenä qolaq salmasa, açlıq iğlan itüläre dä ixtimal dip belderä. Bügen Rostov Dondağı 200 hawa xäräkäte dispetçerı röxsät itelmägän miting ütkärde. 13 avgustqa hawa xäräkäte dispetçerlarınıñ böten rusiä külämendä äş taşlawı planlaştırılğan.

XS
SM
MD
LG