"Xäbärçelärgä çik yuq" dip atalğan xalıqara oyışma, NTVnıñ Minskidağı xäbärçese Pavel Silinnı Belorusiädän quıp çığaruğa häm televidenie şirkäteneñ korrespondent punktın yabuğa qarşılıq belderä. Bu oyışmanıñ ğarizasında, jurnalist quılğan oçraqta, belorus cämäğätçelege räsmi bulmağan mäğlümättän tulısınça mäxrüm bulaçaq dielgän.
Belorusiä xakimiätläre jurnalistnı Vasil Bıkovnı soñğı yulğa ozatu reportajın ber yaqlı ğına yaqtırtuda ğäyepli. Belorusiäneñ tışqı eşlär ministrlığı, ägär dä efirda ğafu ütenü yañğıramasa, Minskidağı korpunkt yabılaçaq dip belderä.
