Accessibility links

шимбә, 10 декабрь 2016, Казан вакыты 23:41

Ayu tarafdarları forumı...


İñ möhim räsmi xäbär - şimbä könne Yedinaya Rossiä firqäse tarafdarlarınıñ Mäskäwdä ütkän forumında Tatarstannıñ zur delegatsiäse qatnaşuı. Mintimer Şäymiev şuşı forumda çığış yasadı. Ä yäkşämbe kiçendä Tatarstan prezidentı Mäskäw merı Yuri Lujkov belän bergä berençe televidenie kanalında Vladimir Pozner alıp barğan “Vremena” tapşıruında qatnaştı. Ser tügel, Yedinaya Rossiä ber qarasañ, barlıq urtaçıl firqälärne berläşterep, parlamentta 60 protsent urın dawlıy. İkençe yaktan qarasañ, ul möstäqil däğwä belän başqa yuldan bara. Şul uq Yedinaya Rossiä neñ Tatarstan möstäqillegen, tatar älifbasın qızğanıp tormawı da mäğlüm. Tatarstan citäkçeseneñ bu säyäsi manevrlarda qatnaşuın añlap bula. Ul respublika mänfäğätlären Duma aşa yaqlarğa häm iñ zur firqä köçenä dä tayanırğa cıyına. Tatarstanğa Mäskäwneñ qaraşı äle naçar tügel. Şulay da, täcribäle ekspertlar fikerençä, Mäskäwdäge xakimiät häm säyäsät atamannarı Tatarstan bezneñ belän, läkin bezneke tügel, dip sanıy. S nami, no ne naş. Üz mänfäğäten qayğırtqan respublika häm töbäklärgä qaraş şundıyraq.

Ä menä Duma häm prezident saylawlarında Tatarstannıñ säyäsi köçläre nindi dirijer tayağına küz töbäp, nindi cır cırlarlar ikän? Xäzergä äytep bulmıy. Tatarstan-Yaña ğasır xäräkäte Yedinaya Rossiäneñ aşqazanına kerep yatarğa da telämi, qarşı kilergä dä batırçılıq itmi.

XS
SM
MD
LG