Accessibility links

Кайнар хәбәр

Färit Möxämmätşin üzençä uylıy


Qısqası, Tatarstan säyäsäte qarşılıqlı. Ber yaqtan, ul Yedinaya Rossiä belän tigez saflarğa basıp, feyerverklar atılğan, lazer şoular uynalğan, estrada yoldızları qatnaşlığında Könbatış säyäsi texnologiäse buyınça ütkärelgän tamaşalarda qatnaşa. İkençe yaqtan, Färit Möxämmätşin süzlärenä qolaq salsañ, Tatarstannıñ uñ köçlär partiäse – SPS belän dä xezmättäşlek itü mömkinlege bar ikän. Ber yaqtan qarağanda, cawaplılıqnı üz östenä alğan prezident firqäsen urtadan yuğarığa qalqıtıp, aña totınıp baru, ikençe yaqtan, Tatarstan Däwlät Sovetı räise äytkänçä, küppartiälelekne häm demokratiäne yaqlaw. Ber yaqtan, Tatarstannıñ parlamentı ber palatalı bulırğa tieş. İkençe yaqtan qarağanda, ike palatalı bulsa da yarıy. Ul oçraqta Färit Möxämmätşin tübän palatadan başın tartmıy. Bu xäzerge Rusiä häm Tatarstannıñ xälen kürsätüçe manzara.

Ber genä soraw belän bez şaqtıy citdi ağaylarğa möräcäğät ittek. Şimbädäge tarafdarlar forumında Boris Grıyzlovqa tapşırılğan nakazlar arasında Tatarstannan nindi nakazlar birelde? Tatar xalqın häm federalizmnı yaqlağan nakazlar barmı? Säyäsmän ağaylar bik aqıllı häm töple bulsalar da bu sorawğa cawap birergä aşıqmadılar. İñ qızığı, bu xaqta mäğlümlät çaraları da läm-mim. Sişämbe könne säğät 11дә ayuçılar firqäse matbuğat oçraşuı ütkärä. Bälki şunda qayber sorawlarğa cawap tabılır.

XS
SM
MD
LG