Accessibility links

якшәмбе, 4 декабрь 2016, Казан вакыты 00:51

M.Abbas belän A.Sharon oçraşuı turında


Sişämbedä Yerusalemdä İzrael premiere A.Sharon fälästinle kollegası M.Abbas belän oçraşıp xalıqara yaqlanğan tınıçlıq planın ğämälgä quyu mäsäläsendä söyläşülär alıp bardı. Mätbuğatnıñ eşlekle atmosferada ütte dip beldergän oçraşuda ike premier tınıçlıq planınıñ ğämälgä quyuluın qarap baraçaq 4 urtaq komitet oyıştıru turında kileşkän.

Sişämbedä 4nçe märtäbä küreşkän Abbas belän Sharon berençe märtäbä ikäüläp kenä cämäğätçelek aldında kürende. Alar yardämçeläre belän 2säğättän artıq däwam itäçäk söyläşügä başlağançı mätbuğat oçraşuı ütkärde. . .här ike citäkçe dä tınıçlıqta yänäşä yäşäü ömede belderde. Premier Mäxmud Abbas (audio) sezneñ belän konflikt säyäsi häm ul säyäsi çaralar belän betereläçäk .Bez izrael xalqına doşman tügel häm alar belän konfliktnı däwam itterü niätendä tügelbez. Premier Sharon bugen bez här ike xalıq öçen yaña mömkinçelek , yaxşıraq kiläçäk aldında torabız. Solıxqa alıp baraçaq politik xäl çarası tabu öçen här törle tırışlıqnı kürsätäçäkmem , bu minem missiäm , minem wazıifam bulıp tora dip äytep tağı (audio) bez sezneñ belän suğış telämibez. bez seznen belän idarä itärgä sezneñ yazmışnı bilgelärgä telämibez. Bez sezneñ belän tınıçlıqta , yänäşä yaxşı kürşelär kebek berberenä xörmät kürsätep xezmättäşlek itep yäşärgä telibez. İke citäkçeneñ berberseneñ qulların samimi yılmayu belän qısıp bernindi aradaşçısız cıyılışqa kerep kitülärn kürü 33 ay däwam itkän intifadadan soñ häm fälästin häm izraelle televidinie tamaşaçıları öçen şaqqattırlıq xäl bulğandır. Cıyılışta M.Abbas Sharonnnan ber yıldan artıq Ramallada öy sağı astında totılğan Yasir Arafatnıñ irekle säyäxät itüen sorağan. Sharon İzrael, Arafatqa Ramalladan Ğaza Sızıgına ğına barırğa röxsät itä ala digän cawap qaytarğan, Sharon 2002nçe yılda NYT gazetasına birgän ängämädä dä näk şulay dip beldergän ide. Ämma Sharon başqa mäsälälärdä kübräk bögülüçänlek kürsätep İzrael törmälärendä totılğan 5meñ çaması fälästinleneñ irekkä çığarılaçağın beldergän. Ul iminlek saqlau köçlärennän qaysı totqınnarnıñ irekkä çığarıla alaçağın soraşqan . Räsmilär qulları qanğa buyalğan fälästinnär törmälärdä qaldırılaçaq dip äytä. Fälästin iminlek ministırı Mäxmut Dahlan totqınnar mäsäläläse fälästin xakimiäteneñ abruyın töşerähäm yaqlaunı kimetä dip belderde ''tınıçlıq yulı ''dip yöretelgän xalıqlara solıx planına esasän premierelär 4 urtaq komitet tözü turında kileşkän. Komitetlarğa amerikannar da qatnaşa. Bu komitetlar iminlek, ekonomik üseş, köç qullanu , legal häm politik ayırmalıqlarnı qarap baraçaq. Waşington Sharon belän Abbas yasağan belderülärne xuplap çıqtı. Çärşämbedä amerikan räsmiläre fälästinnärgä Könbatış Üzäne häm Ğazada qorallı bäreleşlärdä cimerelgän cämäğätçelek binaların tözätü öçen 30million dollarlıq yardäm biräçäklären iğlan itte. Çärşämbedä aldan kileşälgäneçä İzrael köçläre Bäyt äl Lehemnän çıgenep, iminlek kontrolen fälästinnärgä tapşırdı. Xärbi maşinalar,tanklar üzäktän çigensä dä , şähär tiräsendä İzraelneñ kontrol punktları qala. Yäkşämbedä bilgele bulğança fälästin radikal törkemnäre waqıtlıça atışlarnı tuqtatıp torırığa yäğni İzraelgä hööcüm itmäü qararı qabul itte. yaqın Könçığış şartlarında çağıştırmaça tınıçlıq xökem sörä dip äytergä kiräk. yäkşämbedän birle 2 genä keşe üzterelde. İzrael tışqı eşlär minsitırı Silwan Shalom bugen radio çığışında yaña çınbarlıq xökem sörä, minemçä fälästinnär yünäleşne üzgäretergä teli dip belderde . Min saqlıq belän genä bälkim dip kenä äytäm

färidä xämit, praga
XS
SM
MD
LG