Accessibility links

сишәмбе, 6 декабрь 2016, Казан вакыты 19:15

Tatar-törek litseilarında sälätle balalar ğına uqı...


Bilgele bulğança, Qazanda 3 tatar-törek litsey eşli. Şunıñ ikese yegetlärneke berse qızlarnıqı. Monnan tış Bögelmä, Çallı, Älmät, Tübän Qamada da bar andıy litseylar. Äytergä kiräk, alarnıñ härbersendä dä barı saylanıp alınğan sälätle balalar ğına uqı. Çönki anda kerü konkursı zur ikän. Bu xaqta utırışta Qazan şähäre mäğärif işaräse başlığı urınbasarı Marat Lotfullin menä närsälär söyläde:

Törek litseylarına kerü konkursı zur. İr-yegetlärnekenä ber urınğa 10, qızlarnıqında 20 keşe. Bu uñay tügel. Ämma konkurs kiläçäktä dä şulay qalaçaq, çönki tatar-törek litseyın açu öçen aqça häm kadrlar kiräk. Ä alar yuq.

Küptän tügel Rossiä Mäğärif ministrlığı komissiäse kilep tatar-törek litseyların tikşerep kitkän bulğan. Häm älege litseylarda din uqıtu köçle dip dokument cibärgännär. Bu xaqta Marat Lotfullin menä närsä dide:

Bu asotsial' dokument. Bu litseylarda din dä, din tarixı däresläre dä uqıtılmıy. Ä alarnıñ dokumentınnan islam dine uqıtıla digän fiker qala.

Sez Qazan mäğärif idäräse başlığı urınbasarı Marat Lotfullinnıñ komissiä utırışında yasağan çığıştan özeklär işettegez.

Şulay uq komissiä utırışında mäktäplärdä tatar tele uqıtu mä’säläsenä dä zur iğtibar birelde. Çönki kölliätlär, litseylar açıla tora. Ämma tatar tele uqıtu yaxşırmıy. Tatar-törek litseуınnda da tatar tele uqıtu älläni yuğarı däräcädä tügel ikän. Bu xaqta Däwlät Sovetı deputatı Tufan Miñnullin bilgeläp uzdı:

Min mäktäplärdä küp bulam. Alarda tatar tele uqıtılışı äybät dip äytmäs idem. Ber-ike balanı kürsätkeç öçen öyrätep quyalar ğına. Tatar tele barı rayonnarda häm awıllarda ğına yaxşı uqıtıla. Qazanda bu haman aqsıy. Tatar-törek litseylarında da tuğan telne belgän balalar kilmi.

Sez Däwlät Sovetı deputatı Tufan Miñnullin fikerlären işettegez. Ul tatar törek litseylarında tatar telen uqıtu turında söyläde.

Şulay uq utırışta Törkiädän kilgän uqıtuçılarnıñ viza alu mä’säläse, litsey citäkçese itep törekne quyarğamı ällä üzebezneñ Respublika keşesenme digän mäs'älälär qaraldı.

Landış Xarrasova, Qazan

XS
SM
MD
LG