Bügen Germaniä kügendä bulğan oçqıç faciğasenä ber yıl tuldı. Überlingta qorbannarnı iskä alu çaraları ütkärelä. Bu mäs'älägä Germaniä televideniäse häm matbuğatı zur ähämiät birä, maxsus programmalar tapşırıla. Kiçä Başqortstannan qaza urnına kilgän haläk bulğannarnıñ yaqınnarı, pravoslav ruxanie häm mulla qatnaşında, qorbannarnıñ isemnäre uqılıp dini yola ütkärelde. Kiçen fakellar belän yöreş buldı. Bu çarada Başqortstannan kilgännär genä tügel, ä oçqıç qazasınnan soñ anda eşlägän yanğın sünderüçelär, tärtip saqlawçılar, şulay uq cirle xalıq ta qatnaştı. Bügen isä Baden Württemberg cireneñ premyer-ministrı Toyfel häm Başqortstan xökümät başlığı Rafael Baydäwlätov qatnaşında räsmi iskä alu yolası ütkärelde.
Başqortstan tatarları qorıltayına äzerlek däwam itä. Bügen prezident Mortaza Räximov respublika tatar cämäğätçelege wäkilläre belän oçraştı. Kitap näşriatında tatar basmaların näşer itü turında söyläşü uzdı.
Mönir Wafin, Ufa
Mönir Wafin, Ufa
