Accessibility links

чәршәмбе, 7 декабрь 2016, Казан вакыты 21:29

İzrail' ğäskärläre Bäytlähem şähärennän çigenep anı Fälestin iminlek köçlärenä tapşırdı


Bu çigenü iminlek kileşüe nigezendä eşlänä. İke taraf ta älege kileşü İzrail'-Fälestin tınıçlıq planın tormışqa aşıruğa yardäm itäçäk dip ömetlänä. Bu kileşü nigezendä İzrail' köçläre Bäytlähem uramnarında tärtip saqlawnı tuqtataçaq. Şähär Fälestin politsiäse qaramağına küçä häm alar İzrail'lelärgä qarşı terror höcümnärenä yul quymasqa tieş bulaçaq. Şulay da İzrail' tankları häm xärbiläre şähärne çolğanışta totaçaq häm kerü-çığu yulların çikliäçäk. Kiçä bu turıda İzrail' premyer-ministrı Ariel' Şaron belän Fälestin premyer-ministrı Mäxmüt Abbas oçraşıp söyläşkän ide. İke citäkçe şulay uq, solıx yulı iseme alğan tınıçlıq kileşüen tormışqa aşıru belän şöğellänüçe 4 komitet oyıştıru turında da kileşte. Solıx yulı planı 2005-nçı yılğa Könbatış Yada häm Gaza Sızığında Fälestin däwläte oyıştırıp Yaqın Könıçışta tınıçlıq urnaştırunı maqsat itä.

XS
SM
MD
LG