Accessibility links

шимбә, 10 декабрь 2016, Казан вакыты 15:51

Berençe Sabantuy bıyıl Uray şähärendä dä uzğan.


Tömän ölkäsendä urnaşqan neft'çelär şähäre Urayda da bıyıl berençe Sabantuy uzğan. Bu şähärneñ barlıqqa kilüenä dä äle 38 yıl ğına. Uray şähärendä yäşägän xalıqlarnıñ 36% tın tatar - başqort xalqı täşkil itä ikän. Küptän tügel anda “Duslıq”- milli cämğiät oyışması eşli başlağan .Küpmeder eşlägännän soñ , bıyıl may ayında ğına räsmi räweştä terkälgän “Duslıq”milli cämğiäte räise Rida Faizova äytüençä , bıyıl Sabantuy berençe märtäbä ütkärelgän.Sabantuyda ütkärelä torğan barlıq milli uyınnarda da üzebezneñ millättäşlär genä tügel, ä başqa millät xalıqları da bik teläp qatnaştılar, -di ul.Rida xanım bu Sabantuynı uzdıruğa yärdäm sorap Tatarstan Prezidentı Mintimer Şäymievqa da xat yazğan bulğan.Qazan şähärendä urnaşqan BTKda eşlägän millättäşlärebezneñ kiñäşlären tıñlağan.Üze şähärdän qaytıp citüenä Mintimer Şäymievtan , cawap xatı kilüenä bik şatlanğan. Uray şähärendä yäşägän millättäşläre isemennän“Duslıq” milli cämğiäte räise Rida xanım Faizova tatarstanlılarğa räxmät süzlären belderä. Ul küp kenä sänğät yoldızları belän oçraşular da uzdırğan ikän. Qäderle tıñlawçılar, Uray şähärendä matur itep oyışqan xäldä uzğan berençe Sabantuy turında, häm millättäşläreneñ säxnälärgä kütärelep qat-qat räxmät äytülären, kiläçäktä dä şundıy milli bäyrämnärne oyıştıruların sorawları turında, sezgä, xäzer Rida Faizova üze söylär.

Audio.

Sez, Tömän ölkäsendä urnaşqan Uray şähäreneñ “Duslıq” milli cämğiäte räise Rida Faizovanı tıñladığız.Moña qädär tatar Sabantuyları geografiäsenä Uray Sabantuyı kermägän bulsa, kiläse yıllarda Uray süze Qazanda tözelä torğan Rusiä Sabantuylarına berençelärdän bulıp keräçäk. Başqortstannıñ Boray rayonında tuıp üskän Rida Faizova Uraydağı berençe Sabantuynı oyıştırıp izge eş eşläde.

Azatlıq radiosı öçen Mälikä Basıyr.

XS
SM
MD
LG