Accessibility links

чәршәмбе, 7 декабрь 2016, Казан вакыты 23:20

Tatar mäktäbe yubilee


Küptän tügel Bol'şereç'ye rayonınıñ Quşkül awılı mäktäbeneñ 75 yıllığın bäyräm ittelär. Mäktäp direktorı Nuriä xanım Baratova süzlärençä bäyrämne oyıştıru awır bulğan. Çönki qayçandır şuşı mäktäpne tämamlağan Danil Säyetbattalov, Mifkat' Möxetdinov, Marat Möxämädievnıñ berniqädär yärdämennän başqa aqça tabılmağan. Şulay da, bäyräm yaxşı ütkän. Anda 300 - gä yaqın qunaq cıyılğan. Alar mäktäpneñ bügenge torışı belän tanışqannar, awılnıñ “Çişmä” ansamble konsertnı qarağannar, çäy östäle artında üzara aralaşqannar. Mäktäp muzeena ber qäderle büläk östälgän: 1980 – nçe yıllarda mäktäp direktorı bulıp eşlägän Xafizä apa Xösäyenova quldan yazğan kitabın büläk itkän. Anda awılnıñ häm mäktäpneñ tarixı, awıl keşeläreneñ yazmışları surätlängän. Mondıy bäyrämne ähämiäte zur, ayıruça bügen biredä uquçı tatar balaları öçen ul üze ber tärbiä çarası bulıp tora di mäktäp direktorı Nuriä Baratova.

Omski. Rozaliä Sayganova

XS
SM
MD
LG