Accessibility links

дүшәмбе, 5 декабрь 2016, Казан вакыты 01:26

AQŞ, Saddam vä ullarınıñ başı öçen 40million dollar wäğdä itä.


AQŞları Ğıraqnıñ eleke citäkçse Saddam Xösäinneñ qulğa alınuı yäki ülemen raslağan mäğlümät öçen 25million dollar tüliäçäk. Ğıraqtağı amerikan idaräseneñ başlığı. P.Bremer Saddam ulları Uday belän Qusaynıñ qulğa alınuına alıp baraçaq informatsiä öçen 15million dollar bireläçäk dip iğlan itte. AQŞ räsmiläre sonğı waqıtta Ğıraqtağı AQŞ xärbilärenä artqan höcümnär öçen Saddam taraftarların ğäyepli.

Prezident Bush ike ay elek zur bäreleşlär bette dip iğlan itüennän soñ atnakiçtä berektäş köçlärneñ Ğıraqtağı komandirı bez äle dä suğışta dip äytte. Ğıraqtağı amerikan idaräseneñ başlığı Paul Bremer Saddam Xösäin başı öçen 25 ä ulları öçen 15million dollarlıq büläk iğlan itte. Äytep kitkän 40million dollar Däwlät Departamentınıñ ğädellek öçen büläk programması tarafınnan finansiälänä. Däwlät sekretarı C.Powell süzlärençä (audio) Bez Saddam ülgänme tereme, qayda buluın belü öçen här närsäne eşlärgä tieşbez dip ışanabız.Bagdad xalqın ul qaytmayaçaq dip ışandıru , wazğiätne stabillaştırırğa yardäm itü mäqsatında bu başqa ber qoral bulıp tora. Quşma Ştatları al Qaida citäkçese Osama bin Ladenneñ qulğa alınuı öçen dä şunduyuq summa aqça täqdim itkän ide. Suğıştan elek S.Xösäin dä oçu tıyılğan zonada patrul yöregän AQŞ oçqıçların bärep töşeräçäk ğıraqlılarğa şulayuq aqça büläkläre wäğdä itä ide. Waşington , Saddamnı qulğa alu yäki anıñ ülemen isbatlau , ğıraqllarnıñ amerikan xärbilärenä qarşılıq kürsätüen şulayuq ul kire qaytaçaq digän qurqunı kimätäçäk digän qaraşta. Ğıraqqa 3 könlek vizit yasağan ber törkem senatorlar atnakiçtä jurnalislar belän oçraşu waqıtında Saddamnı qulğa alu zarur dip belderde. Qorallı köçlär komitetınnan respublikan senator Susan Collins Saddamnı qulğa alu yäki üterü bik möhim , Saddam kire qaytaçaq digän kiñ cäyelgän qurqu bar , bu qurqu bezneñ alğa baruıbzğa kirtä bulıp tora dide. Ğıraqtağı amerikan soldatları , sivillär häm amerikannar belän eşläwçe ğıraqlılarğa qarata höçümnär sonğı atnalarda nıq artıp kitte. ğıraqtağı amerikan komandirı general Sanhez ilne tözekkönderü eşläre häm doşman belän suğışu berbersenä paralel alıp barılçaq dip äytte press konfresniädä. Ul xärbilärgä här kön oyıştırılğan höcümnär üzäktän idarä itelgängä oşamıy disä dä yasalğan bomba, şartlağıç maddälär sıyfatı yaxşıra bara dip äytte. Höcümnärne kemnär oyıştıra äytü qıyın pändeşämbedä Bagdatta şähärneñ sönnilär yäşägän Saddamnı nıq yaqlağan maxalläsendä amerikannnarğa häcüm oyıştırılğan kebek başqalanıñ şığılar yäşägän Saddamğa nıq qarşı bulğan bistäsendä şulayuq Bagdad üzägendä dä häcüm oyıştırıldı. Başqalanıñ yaqınça 100 çaqırım könbatışında Ramadi dä AQŞ konvoyına höcüm oyıştırıldı. Ramadi älege waqıtta amerikan okupatsiäsenä qarşılıq kürsätü üzägenä äylänep bara. Prezidentnıñ milli imenlek mäsälälärendäge kiñäşçese C.Rice kiçä zurıraq qurqınıçlar äle alda dip äytte (audio) bez wazğiätneñ qurqınıçlı bulaçağın belä idek,qurqınıçnı niçek añlısın beräü dä moñı añlatıp waqıt ütkärmäde. Yuğaltularnıñ kübräk buluı da ixtimal , min moñı här kem añlıy dip uylım dip äytte C.Rice. 1nçe maydan soñ AQŞnıñ 26 ä Britaniäneñ 6 soldatı häläk buldı. Ülgän yaralağan xärbilär turında här kön diärlek xabärlär kilep tora. Bigräk tä Bagdadta xalıqnıñ bik zur öleşeneñ eşsez buluı ,40gradusnı ütkän cäy könnärendä elektrneñ könenä 8-10 säğät kenä birelüe amerikannarğa qarşı xislärne köçäytkän faktorlar bulıp tora.

färidä xämit, praga
XS
SM
MD
LG