Uzğan töndä Taciqstannıñ könçığışında tawlardan töşkän sil astında qalıp Jumaxsum awılınıñ ike keşese hälak bulğan. Tağın altı keşe yaralanğan, unısı xäbärsez yuğalğan. Faciğa urınında eşlägän qotqaruçılar qorbannarnıñ sanı tağın da artırğa mömkin dip belderä.
Respublikanıñ gädättän tış xällär ministrılığı mäğlümätlärenä qarağanda, tawdan töşkän balçıqlı köçle taşqın yözlärçä baş yort xaywannarın alıp kitkän. Terlekçelek bu töbäktä cirle xalıqnıñ berdänber kerem çığanağı bulıp sanala.
