Comğa, 4 yül könne, Qazanda Töbäklärneñ üseş strategiäse dip isemlängän 3nçe İdel buyı forumı üzeneñ eşen däwam itte. Anda süz töbäklärneñ üseşe, alarnıñ konkurentlıqqa säläten arttıru turında bardı. Comğa könne älege forumğa cıyıluçılar seksiälärdä eşlären däwam ittelär. Şul uq könne forum üzeneñ eşen tämamladı. Bu qızıqlı häm möhim çara turında köndälek xäbärlärdä genä söyläp betäräse awır. Töbäklärneñ üseş strategiäse forumı xaqında tulıraq mäğlümätne sez Azatlıq radiosınıñ yäkşämbe programmasında işetä alırsız. Rimzil Wäli äzerlägän Tügäräk östäl tapşıruınıñ çirattağı çığarılışı näq menä şuşı temağa bağışlanaçaq.
