İran BMOsı inspektorlarınıñ üzeneñ atom programmasın qatıraq tikşerü taläplären ,bu turıda qarar birü öçen kübräk waqıt kiräk digän argument belän kire qaqqan.Xökümät süzçese Abdulla Ramezan zadä bugen yasağan belderüendä, İran kübräk söyläşülär alıp baruğa uñay qarıy dip äytkän. Waşington häm Xalıqara Atom Agentlığı Tehrannıñ atom qoralların cäyeldermäü turındağı kileşügä östämä protokolga riza buluı n teli. Bu protokol Atom Agentlığı inspektorlarına ilneñ atom qorılmalarına kötelmägändä vizit yasau mömkinçelegen birer ide. .Älege waqıtta Xalıqara Atom agentlığı bilgelängän waqıtta ğına bara ala. Söyläşülär däwam itsä dä , xalıqara cämäğätçelek İran bälkim dä sivil atom energiäse programması astında qoral täräqi itterä digän borçılu bar.Tehran ägär dä kileşügä äğza illär atom programmasına yardäm itsä, qatıraq tikşerülärgä riza bulaçaq dip äytä.
