Accessibility links

пәнҗешәмбе, 8 декабрь 2016, Казан вакыты 17:22

Mäskävdä şartlağan bombalar terrordan saqlanunıñ qıyınlıgın kürsätte.


Krılya rock festivalı ütä torğan Tuşino oçqıç maydanında intixarçı ike xatın-qıznıñ bomba şartlatuı näticäsendä keşelär hälak buldı häm yaralandı. Russiä xakimiätläre monıñ artında çeçennär tora dip şunduq belderdelär. Rusisä prezidentı Putin şuşı terror aktı säbäple, Üzbäkstan belän Malayziägä vizitın kiçekterde.

Şimbä könne töştän soñ ike intixar[ı xatınñqız tarafınan şartlatılğan bombalar başqala Mäskävdä terror höcümnärennän qurqunı köçäytte. Xakimiätlär iminlek çaraların nığıttılar. Läkin, nindi genä çaralar kürelmäsen andıy höcümnärne tulısınça tuqtatu mömkin bulmas. Şuşı höcümnän ber kön elegeräk prezident Putin Çeçnädä prezident saylauların Üktäberneñ 5-ndä ütkärüne küz aldında ttqan färmanğa qul quyğan ide. Eçke eşlär ministere Boris Grızlov bu ike vaqiğä arasında bäyäneş bar dip beldersä dä, Çeçnä Dävlät Sovetı başlığı Xusein İsayev , turıdan-turı bäyläneşneñ buluın kire qaqtı . Läkin, ul da Çeçnädäge saylaulardan alda andağı vazğiätne stabilsezläşterü öçen başqa höcümnär dä bulaçaq dip kisätte. Şartlaudan soñ uq bu terror aktı öçen çeçennär ğäyeple dip belderelde. Moña alarnıñ bersendä Zalixan Elixacieva isemle Çeçnä pasportınıñ tabıluı säbäp buldı. İntixarğa barğan berävneñ üz yanında passport yöretüe säyer ber küreneş. Çänki, andıy şäxes üze qorban bulğan xäldä dä, kemnege bilgelängän xäldä, ğailä ağzalarınıñ, tuğan tumaçalarınıñ zur ixtimal belän ezärleklänäçägen belä. Çeçen köräşçelärenneñ citäkçese Aslan Masxadov Mäskävdäge väkile Salambek Maigov vasıytaçılığında , çeçen köräşçeläreneñ bu höcümdä qatnaşı buluların qätği räveştä kire qaqtı. Älbättä, mondıy höcümnär prezident Putinneñ Çeçnädä suğış tutqaldı, xäzer tik qalğan terrorçılarnı ezläv eşe genä bara, vazğiät normallaşa digän raslaularınıñ döreslegenä şik tudıra. Çeçnädä här kön sayın diärlek Russiä xärbiläre häm militsionerları hälak bula. Läkin, Mäskävdä teatr bisaında yüzlärçä totıq alu häm şimbä könge bomba şartlauları, Mäskävneñ dä andıy höcümnärdän imin bulmauın kürsätä. Russiä prezidentı Putin Yäkşämbe könne Üzbäkistan höäm Malayziägä säfärgä çığarğa tieş ide. Ul , Kremlneñ räsm belderüenä qarağanda, Mäskävdäge fäciğäle terror aktı säbäple vizitın kiçektergän. Putin üze qorbannarnıñ ğailälärenä qayğını urtaqlaşqan kündermä cibärde. Bügen isä Kreml dä bulğan ciında , Russiä terrorçılarnıñ taläplärenä buysınmayaçaq dip belderde.

Audio

Putin şulay uq üzenneñ elekke ğäyeplävlären qabatlap , Çeçnädäge banditlar xalıqara terror oyışmaları belän elemtädä toru belän genä çiklänmilär , alar xalıqara terror çeltäreneñ bälkim iñ quqınıçlı öleşen dä täşkil itälär, alarnı yuq itärgä kiräk dip belderde.

Audio

Lekin, çeçen köräşçelären yuq itü tırışlığı inde bolay da yıllardan birle dävam itä häm ul kötelgän näticäne birde dip äytep bulmıy.

Färit İdelle, Praga.
XS
SM
MD
LG