Accessibility links

пәнҗешәмбе, 8 декабрь 2016, Казан вакыты 09:07

AQŞ-Törkiä mönäsäbätlärendä yaña krizis!


Comğada tönyaq Ğıraqta Törkiä xärbi köçläre 11ğäskäriäneñ AQŞ tarafınnan qulğa alınuı belän ike il arasında başlanğan krizis zur diplomatik tırışlıq arqasında 57 säğät eçendä xäl qılınıp, xärbilär irekkä çığarıldı. Könbatış mätbuğatınıñ kierenke Ankara-Waşington mönäsäbätlärendäge yaña yara dip bäyälägän insident turında

Ğıraqnıñ Süleymaniä şährendä wazıyfalı Törkiä qorallı köçläre 11 ğäskäriäneñ AQŞ xärbiläre tarafınnan qulğa alınuı belän başlanğan krizis yäkşämbe kiçne premier Erdoğannıñ Amerika vitse prezidentı Cheney belän söyläşüennän soñ soldatlar irekkä çığarıla, krizis çişelä.Ütkän kiç Bagdadtta irekkä çığarılğan ğäskärilär ,tönne qunaqxanädä ütkärä,düşämbe irtän amerikan boralağı alarnı Söläymaniägä kiterä häm alar 7.30da vazıyfalarına başlıy. Premier Erdoğan belän tışqı eşlär minsitırı Gül krizis turında AQŞ räsmiläre belän alıp barğan söyläşüläre näticä birmägäç, premier, prezident Bush belän söyläşergä teli,Waşingtonda aña ilbaşı Ohioda bäysezlek köne bäyrämenä qatnaşa, ämma Cheney belän söyläşä alasız dip äytälär. Premier Erdoğan ike berektäş il arasındağı mönäsäbätlärgä külägä töşergän mäsäläne xäl qılırğa , ğäskärilärneñ tizlektä irekkä çığarıluın taläp itkän mätbuğat xabärlärenä qarağanda , Cheney krizis säbäplären tikşerü öçen urtaq komissiä oyıştırıluın täqdim itä. AQŞ xärbiläreneñ törek ğäskärilären qulğa aluına Kirkuk gubernatorına atentant oyıştırıla digän xabär bula. Atna azağında qulğa alınğan ğäskärilär säbäple Törkiädä atfosfera şaqtıy kiskennäşä. Törkiä AQŞ xärbiläreneñ logistik teminatın ütkärgän Habur çik qapqasın bilgesez waqıtqa yaba. Ankarada AQŞ ilçeseneñ yardämçese tışqı eşlär ministırlığına çaqırıla. Tışqı eşlär minsitırılığınnnan ber törkem räsmilär Söläymaniä şährenä cibärelä. Ankara, yäkşämbedä Floridada Tampadağı ike törek liazon ofitserın kire çaqırta. . Tampada ütkäreläçäk xärbi märasimgä törek generale Hurşit Tolon protest belderep qatnaşmıy. Ankarada amerikan ilçelege aldına xalıq cıyılıp protest belderä,istanbulda AQŞ konsollığına taba yulğa çığuçılarnı politsiä tarata. Törkiä general ştab başlığı Hilmi Özkök atna azağında törek soldatlarınıñ qulğa alınuı NATO äğzası ike il arasında kierenkelekkä säbäp buldı dip äytte. Özkök süzlärençä bu ike armiä arasında ışanıç krizisına säbäp bulğan . Törkiä 1990-nçe yıldan birle tönyaq Ğıraqta xärbilär urnaştırğan.Alar körd separatisların küzätep tora. Körd törkemnäre häm xäzer Ğıraq belän idarä itkän koalitsiä köçläreneñ basımına qaramastan Ankara ğıraqtağı xärbilären çığarmadı. Mart ayında törek parlamentı AQŞ xärbilärenä Törkiädän torıp Ğıraqqa höcüm itü röxsäte birmägän ide. Ankara-Waşington mönäsäbätläre bıraz yaxşıra töşsä dä , ällä ni cılıdan tügel. Ankarada Bilkent Universitetı tışqı säyäsät institutı Seyfi Taşan törkiädä küplär amerikannar kördlärneñ qorbanı buldı digän qaraşta dip söyli Taşan (audio) beräü dä törek xärbiläreneñ atentant eçenä qatnaşuına ışanmıy. Alar bu uydırma häm anı belä torıp tönyaq Ğıraqtağı qayber dairälär oyıştırğan. Amerikan räsmiläre tönyaqta Ğıraqta torğan törek köçläre turında şiqäyät beldersälär dä Londonda urnaşqan Royal United Servicese İnstitutında analitik Stephan Blackwell sonğı insident amerikan säyäsätendä yaña küreneş tügel di. Blackwell( audio) älege mizgeldä bu ayrım insident bulıp kürenä häm ayrım cawap qaytarıldı. Älege waqıtta monıñ säyäsät üzgäreşeneñ ber öleşe yäki AQŞnıñ törek xärbiläreneñ täsiren kimetü häm törek mäxsus köçläreneñ aktivlığın kimetü tırışlığı buluın kürsätkän işarä yuq. . Mätbuğat kiñ küläm mäğlümät çaralarında älbättä bu turıda küp söylänä. Amerika avazı radiosı insident Törkiädä AQŞqa qarşı xislärne köçäytte dip äytkändä WP waqıyğä Törkiädä AQŞqa qarata ışanıçnı kimette dip yazıp çıqtı. Fransiä gazetası Figaro ike NATO ile arasındağı bäxäsneñ nigezendä tönyaq Ğıraq yata dip äytkändä, Liberasyon Waşington mart ayında törek parlamentınıñ amerikan ğäskäriläreneñ urnaşuına qarşı tawış birüen ğafu itmäde dip yazıp çıqtı.

färidä xämit, praga
XS
SM
MD
LG