Accessibility links

якшәмбе, 4 декабрь 2016, Казан вакыты 13:13

Üzäk Aziädä keşe belän säwdä....


Yılsayın Üzäk Aziä illärennän meñnnärçä yäş xatın qız faxişälek mäqsatında ildän alıp kitelä. Töbäktäge xökümätlär keşe belän säwdä turında diskussilär alıp barırğa telämi, bezneñ ildä andıy problema yuq dip kenä äytä. Yzäk Aziedäge 5 xökümätneñ berse dä keşe belän säwdä itüçelärne cazalandıru öçen mäxsus qanun äzerlämägän. Ämma sonğı waqıtlarda Qazaxstanda vä Tadcikstanda cinayätlär kodeksındağı qayber maddälärne üzgärtü xökümätlärneñ bu mäsälägä qarata mönäsäbätendä üzgäreş buluın kürsätä.

5 yıl buyı Düşänbedä eş ezlägän Mädinä näticädä keşe belän säwdä itüçelärneñ qorbanı bula Mädinä(audio) Min eş ezlägän çaqta ber keşe miña täqdim yası. Ul yuğarı tormış standartı häm finans bäysezlege telärmi iden dip sorıy.Ul barlıq säyäxät dokumentların äzrli , çığımnarnı çit ildä aqça qazanğaç tülärsen di. Bez tağı 3 qız belän Dubayğa kildek. Ul pasportlarnı aldı häm bezne törle illärdän bik küp xatın qızlar yäşägän yortqa urnaştırdı. Anda tadcik, rus, qırgız, qazaxlar bar ide. Şunnan soñ ğına bez nindi eşkä urnaştırıluıbıznı añladıq. Bez faxişä bulrığa tieş idek . Üzäk Aziedä keşe belän säwdä turında statistik mäğlümät yuq. Xalıqara Migratsiä Oyışması farazına qarağanda ber niçä meñ xatın qız alarnıñ qayberläre 16 yäştä genä keşe belän säwdä itüçelärneñ qorbanı.Äle sonğı waqıtlarğa qädär xäkümätlär dä cämğiät tä bu problemanı çitkä qağırğa tırıştı. Möselman cämğiätendä älbättä xatın qıznı faxişälek öçen satu alu kebek temağa söyläşep bulmıy. Qorbannar da bu turıda politsiägä dä ber närsä äytmi, çönki konservativ cämğiät alarnı kire qağaçaq dip qurqa. Cirle xökümätlär äle dä Üzäk Aziedä xatın qız belän säwdä itü çit il oyışmaları äytkän däräcädä tügel dip inqär itälär. Şulay da niçekter mönäsäbät üzgärä. Çönki politsiä, tamoj , iminlek xezmätläre şaqtıy ğına sanda säwdägä qatnaşqan keşelärne qulğa aldı.Başta äytelgäneçä 2 xökümät cinayätlär kodeksına üzgäreşlär kertte. Üzäk Aziedä xatın qızlar Berläşkän Ğäräb Ämiratıİ, İran , Tailand Könyaq Korea Russiä häm Germaniägä faxişälekkä satılalar. Düşänbedä xökümätttän bäysez MODAR ( äni) isemle oyışmanıñ citäkçese Gölçährä Mirzoyeva qorbannarnıñ zur öleşe az uqımışlı iqtisadi qıyınlıqlar eçendä qalğan yäş xatın qız di Mirzoyeva bolay dip söyli(audio) aradaşçılarnıñ zur öleşe xatın qız. Alar qızlarğa çit ildä eş tabu mömkinçelekläre turında ällä nindi hikäyälär söyli. Küptän tügel egnä 4 qız Berläşkän Ğäräb Ämiratınnan qayttı. Qızlar bezgä kürşelärendäge bay eşquar xatın qıznıñ Ämiratlarda tadcik aşları bik yaratıla , qızlar anda eşpeşerüçe bulıp eş taba ala dip söylägän. Qızlarnıñ ğailäläre alarnı Ämiratqa cibärä. Bik tizlektä qızlar ber nindi eş bulmawın añlıy, säwdägärlärgä burıçların tüläü öçen alar faxişä bulıp eşlärgä mäcbür itelgän. Yış qına säwdägärlär bu xatın qızlarnıñ pasportın ala, alar cirle telne , ilne belmi , politsiägä barırğa qurqa. Bu qızlarnıñ qayberlären politsiä qulğa ala illärenä deportatsiäli. Başqaları isä ezsez yuğala Migratsiä oyışması häm xökümättän bäysez oyışmalar bu xatın qızlarnıñ qaçuı öçen yardäm itä. Öygä qaytqan qorbannarnı ikençe krizis kötä.. Üzäk Aziäneñ konservativ cämğiätläre faxişä bulıp eşlägän xatın qıznı qabul itä almi. Düşänbedä Xalqara Migratsiä oyışmısında program koordinatorı Nigina Mamadjonova bez bu xatın qızlarnı cämğiätkä integratsiälärgä tırışabız.Alarnı künegülärdän ütkärep, keçkenä käseb başlap cibärüläre öçen finans yardäme biräbez di. Taşkentta urnaşqan İstiqbolli Avlod isemle xökümättän bäysez oyışmanıñ xezmätkäre Nodira karimova bez bu xatın qızlarğa sıyınu urını buldırırğa teläsäk tä aqça yuq ämma bez alarnı qaytqaç yaqlarğa tırışabız di Karimova Qaytqan qızlarnı hava mäydanında qarşı alıp ofisqa alıp kiläbez. Alar psixolok häm ginekologlar belän söyläşä ala. Alar bezneñ ofiskä kilep problemaları turında söyläşä ala, eş ezli ala , Bez alarğa yaña pasport alaırğa yardäm itäbez , yış qına alarnıñ bernindi dokumentı bulmi,bez yardäm itergä tırışsaq ta , çın mäğnädä bulışlıq kürsätü öçen proyekt yuq. Karimova ildä xezmät urınnarı buldırılmasa, keşe belän säwdä tuqtalmayçaq di. Begeçlär, Üzäk Aziä illäreneñ bersendä dä, xatın qıznı seksual yaqtan qullanğan öçen säwdägärlärne xökümgä tartaçaq qanun yuqdip äytä. Tadcikstan vä Qaxastannıñ cinayätlär kodeksınıñ qayber madddälären üzgärtüe , säwdägärlärne xökümgä tartunı qulaylaştıraçaq.QAxastanda Xalıqara Migratsiä Oyışması räsmiä Katerina Badikova süzlärençä cirle politsiä , yaxşı oyışqan, çik saqçıları häm başqalarına rişwät birä alğan zur çeltär belän eş itü qıyın , alar qızlarnıñ yäşen üzgärtä, säyäxät öçen här törle dokumentlarnı äzerli, vizalarnı yä bizenes yä dä alış bireş säfärläre öçen ala.Badikova( audio) yış qına bu qızlarnıñ yäşe keçkenä , qayberläre 16dan da yäşräk.Ämma säwdägärlär qızlarğa yaña dokument pasportlar eşlätä. qızlar 25. xätta 30 yäştä dip kürsätelä,.yışqına alar oyıştırılğan turist törkemendä ir at küzätüenädä säyäxät itä.Çiktä çik saqçılarına rişwät birelgän , qızlar probelmasız çiktän ütkärelä. Mädinä kebek qorbannar politsiäneñ säwdägärlärgä qarşı köräşä alaçağına ber dä ışanmıy. Mädinä(audio) min politsiägä şikäyät itergä qurqam, Şikäyät itsäm, alar böten ğailämne üteräçäklär , Ul mine 3 qız belän bergä Dubayğa alıp kitte Ägär dä ul 10 märtäbä bu eşne eşlägän bulsa bik bay häm köçle bulırğa tieş. Mädinä tormışın yañadan oyıştırırğa ütkändäege qurqınıç eşlärne onıtırğa tırışa. Ämma hänäre , uqımışı bulmağankeçkenä balalı bu xatın qızğa legitim eş tabıp, urnaşuı qulay bulmayçaq.

färidä xämit, praga.
XS
SM
MD
LG