Amerika-Britan administratsiäseneñ Ğiraqtağı waqıtlı başlığı Paul Bremer bu utırışnı, Säddäm Xösäyen töşerelgännän soñ, ildä berençe möhim waqıyğa dip bäyäläde. Şura eşendä qatnaşu, anıñ fikerençä, batırlıq bilgese, çönki Säddäm Xösäyen tarafdarları şähärneñ yaña citäkçelärenä ülem belän dä yanarğa mömkin. Ğiraqnıñ tönyağında törle säyäsi, etnik, dini törkem wäkilläre ildä küçeş waqıtınıñ citäkçe şurasın oyıştıru turındağı mäs'äläne tikşerüne däwam itä. Ğiraqnıñ Berläşkän Millätlär Oyışmasındağı maxsus wäkile Sergio Veiera di Mello fikerençä, ul şura ildäge başqarma xakimiätne üz qulına alırğa tieş.
