Accessibility links

сишәмбе, 6 декабрь 2016, Казан вакыты 15:18

Ğiraqta "İlle bişlär"dän tağın 2 keşe totıldı


Amerika xärbiläre "İlle bişlär" isemlegenä kergän häm Quşma Ştatlar ezlägän, Ğiraqnıñ elekke citäkçelärennän ike keşene qulğa alğan. Amerika xärbiläre xäbär itüenä qarağanda, isemlektä 23-nçe urında torğan, Baat partiäseneñ yuğarı wazıyfadağı citäkçese Mizban Xadr äl Xadi kiçä Bağdadta üze teläp amerikalılarğa birelgän. Ä inde isemlektä 29-nçı urında torğan Ğiraqnıñ elekke tışqı eşlär ministrı Mäxmüd Diäb Äl Äxmätne qulğa alu turındağı mäğlümätlär xäbär itelmi. Ezlängän 55 keşedän 34-e xäzer amerikalılar qulında. Bügen Bağdadtan könbatışta urnaşqan Äl Falludjı şähärendä Amerika xärbilärenä höcüm yasalğan, qorbannar yuq. Aprel ayında Amerika xärbiläre uram cıyınnarında qatnaşuçılarğa ut açıp 16 keşene ütergännän soñ, bu şähärdä wazğiät kierenke bulıp qala birä.

Qatarnıñ Äl Cäzirä televideniese bügen Ramadıy şähärendä Amerika ğäskärlärenä höcüm turında xäbär itte, läkin Amerika xärbiläre bu xäbärne älegä raslamadı. Amerika-Britaniä administratsiäseneñ waqıtlı citäkçese Pol Bremer xärbilärgä höcümnärdä Säddam Xösäyen tarafdarların ğäyepläde.

XS
SM
MD
LG