Mäskäwdä häm Mäskäw ölkäsendä 5 iyüldä Tuşino hawa alanında terakt waqıtında hälak bulğan 4 xatın qıznı cirlädelär. İke intixar terrorçını sanamağanda, 14 keşe terakt qorbanı buldı. Xastaxanälärdä tağın 35 keşe qala. Şularnıñ dürtese awır xäldä.
Mäskäw eçke eşlär idaräse xäbär itüençä, şaxitlär kürsätmäläre nigezendä, ikençe intixar terrorçı xatın qıznıñ fotorobotın yasağannar. Çeçnäneñ xoquq saqlaw oyışmaları kiçä ber terrorçı xatın qıznıñ Kurçaloy rayon üzäge keşese Zalixan Alixacieva buluın rasladı.
