Accessibility links

чәршәмбе, 7 декабрь 2016, Казан вакыты 17:41

Mäskäwdä yaña şartlaw


Rusiä eçke eşlär ministrlığı Mäskäw üzägendä FSB ofitserınıñ hälakätenä kitergän şartlaw intixar xatın qızlar tarafınnan başlağan teraktlarnıñ däwamı dip belderä. Eçke eşlär ministrlığı wäkile Yuriy Şuvalov Mäskäwdä şundıy şartlawlar oyıştırılaçağı xaqında maxsus xezmättä mäğlümätlär bar ide dip belderde. Rusiäneñ mäğlümät çaraları kiçä İmbir restoranına şartlatqıç alıp kilgän xatın qıznıñ şäxese açıqlanğan, ul Çeçnädän Zarema Mujixoyewa dip xäbär itä. Restoran saqçıları şiklänep, xatın qıznı totqarlaw näticäsendä, zur qorbannar bulmıy qalğan. 400 gram trotil köçendäge şartlatqıçnı zararsızlandıru waqıtında FSB mayorı Georgiy Trofimov hälak bulğan. "İnterfax" mäğlümätlärenä qarağanda, Tuşinodağı teraktta şartlamıy qalğan ikençe intixar xatın qıznıñ bilbawındağı şartlatqıçnı da Trofimov zarasızlandırğan bulğan.

XS
SM
MD
LG