Accessibility links

дүшәмбе, 5 декабрь 2016, Казан вакыты 01:27

Mäğlümat almaşu bik kiräk...


Bu könnärdä Tatarstan Respublikasınıñ Ural töbägendäge daimi wäkile Rawil' Zöfär ulı Bikbov üzeneñ 55 yıllıq yubileyen bilgeläp ütte.

1995nçe yılda, Sverdlov ölkäsendä Tatarstannıñ Uraldağı daimi wäkillege açılu belän, Rawil' Bikbov Tatarstan Respublikası Prezidentı Mintimer Şäymiev Ukazı belän Daimi Wäkil itep bilgelänä. Ber qarağanda anıñ eşe artıq küzgä dä taşlanıp tormıy kebek. Ämma soñğı yıllarda Tatarstan Respublikası häm Ural töbäge ölkäläre arasındağı mönäsäbätlärneñ nığuı, iqtisadi, mädäni, sotsial' ölkälärdä üzara faydalı xezmättäşlekneñ üsüe daimi wäkillekneñ turıdan-turı başqarğan eş näticäse tügelmeni?

Soñğı ber yıl eçendä Mintimer Şäymiev belän Eduard Rossel' ike tapqır yuğarı däräcädäge eşlekle oçraşu ütkärdelär. Küptän tügel Qazan şähärendä Sverdlov ölkäse delegatsiäse bulıp qaytqannan soñ, ike citäkçe qul quyğan qararlarnı ütäw buyınça wäkillek üz aldına tağın da zurraq burıçlar quya. Soñğı yıllarda ike region arasında mäğlümat almaşu köçäyü näticäsendä eşlekle dairälär arasında turıdan-turı elemtälär artu bu eşne ciñeläytä kebek. Ämma mäğlümat almaşuda yaña texnologiä ısulları qullanu bik möhim. Şularnıñ berse – TNV sputnik telekanalı.

TNV sputnik kanalı Tatarstan turında tulı mäğlümat birä, bilgele. Ämma regionnarda TNV nıñ maxsus xäbär noqtaların buldırıp, alar älege telekanal efirın başqa töbäklärdäge milli, mädäni, iqtisadi, sotsial' tormış yañalıqları belän bayıtsalar, bu Tatarstannıñ üze öçen dä faydalı bulır ide. Soñğı waqıtta Rawil' Bikbov şuşı mäs'älä östendä dä nıqlap eşli. Anıñ fikerençä, ike region arasında üzara xezmättäşlekne nığıtu öçen mömkinçeleklärneñ barısın da qullana belergä kiräk.

Fäwiä Safiullina.

Yekaterinburg.

XS
SM
MD
LG