Accessibility links

дүшәмбе, 5 декабрь 2016, Казан вакыты 21:46

Rusiä prezidentı äfğan saqlanu ministrına xalıqara yaqlaw qazanuda yardäm wäğdä itä


Mäskäw. Bügen Rusiä prezidentı Vladimir Putin räsmi säfär belän Mäskäwgä kilgän äfğan saqlanu ministrı Möxämmäd Fähimne qabul itte. Oçraşu barışında Putin, Rusiä äfğan xökümäten xalıqara däräcädä yaqlaw öçen üzeneñ bar köçen qullanaçaq dip belderde. Rusiä prezidentı Äfğanstannıñ saqlanu ministrına, räsmi Mäskäw äfğan däwläteneñ totrıqlı häm Rusiägä qarata dustanä buluwın teli häm şuña kürä dä Rusiä, xalıqara cämäğätçelekneñ Äfğanstandağı torğızu eşlärenä bulışuwın däwam itüwe öçen barın da eşliäçäk dide. Bügen irtäräk Möxämmäd Fähim Mäskäwdä, Rusiä qorallı köçläreneñ baş idaräse citäkçese general Anatoli Kvaşnin belän küreşkän ide. Anda Rusiädän Äfğanstanğa xärbi yök oçqıçları cibärü häm Rusiädäge xärbi uqu yortlarında äfğan xärbilären uqıtu mäs'äläläre qaraldı. Mäskäw elegräk Qabuldağı xökümätkä ike Mi-17 boralağı häm 100 yök maşinası cibärü xaqında iğlan itkän ide. Berük waqıtta Rusiä üzeneñ Äfğanstanğa bernindi dä qoral satmawın belderep tora.

XS
SM
MD
LG