Accessibility links

шимбә, 3 декабрь 2016, Казан вакыты 01:31

Ğiraqta yaña idarä şurası cıyıldı


Bagdad. Bügen Ğiraq başqalasında, il belän idarä itü eşendä zur urın alır dip kötelgän maxsus şura cıyıldı. Ul amerikannar öç ay elek Saddam Xösäen xakimiaten bärep töşergännän soñ berençe märtäbä cıyılğan başqarma xakimiat buwını bulıp tora. Quşma Ştatlar citäkçelegendäge berektäşlär älege şurağa, Ğiraqnıñ törle säyäsi qatlamnarın wäkillek itkän törkemnärdän 25 keşene bilgeläde. Anda xäzerge waqıtta şığıy möselmannarnıñ az ğına küpçelege bar, elek isä Ğiraq ğädättä azçılıqtağı sönnilär tarafınnan idarä itelä ide. Şuranıñ ministrlar bilgeläw, qanunnarnı tikşerü, kontraktlar qoru häm däwlät büdjetın raslaw xoquqı bulaçaq. Anıñ şulay uq ilneñ yaña Konstitutsiäsen bilgeliäçäk maxsus şura äğzaların da raslaw wäkaläte dä bar. Läkin Ğiraqtağı amerikan idaräçese Paul Bremer bu şuranıñ teläsä nindi qararına kiräk ikän veto salu xoquqına iä bulaçaq.

XS
SM
MD
LG