Accessibility links

пәнҗешәмбе, 8 декабрь 2016, Казан вакыты 14:53

Amerikan köçläre Ğiraqta Saddam tarafdarlarına qarşı yaña ğäskäri çara ütkärä


Bagdad. Ğiraqtağı amerikan köçläre, anda Könbatış xärbilärenä qarşı höcümnär yasağan törle qorallı törkemnärgä qarşı yaña ğäskäri çara ütkärüwe xaqında belderde. Ğiraqta tizdän ilneñ tarixına häm elekke diktator Saddam Xösäengä bäyle möhim yıllıq waqiğälär kötelä, häm amerikannar üzlärenä qarşılıq kürsätkän qorallı törkemnärneñ bu uñaydan yaña höcümnär yasawınnan şürli. Şuşı ğäskäri çara şimbä kiçen, başqala Bagdadnıñ tönyağında küpsanlı tentülär ütkärü belän başlandı. Quşma Ştatlarnıñ ber xärbi wäkile Associated Press agentlığına, amerikan köçläre Saddam tarafdarı buluda şiklänelgän 4 keşene üterde, 50-dän artığın qulğa aldı, şular arasında inde küptän ezlängän 3 keşe bar dip belderde. Saddam tarafdarlarına qarşı çaralar elek tä kürelgän ide, soñğısı dürtençe bulıp tora. Elekkeläre näticäsendä dä yözlägän keşe totqarlandı, qoral saqlağıçları açıqlandı, läkin şuña da qaramastan amerikan wä britan köçlärenä qarşı höcümnär däwam itte.

XS
SM
MD
LG