Accessibility links

Кайнар хәбәр

İran ğalime 4 yıllıq törmä cäzasına xökem itelde


Tähran. Elegräk ülem cäzasına xökem itelgän ber İran ğalimenä ikençel mäxkämä 4 yıllıq törmä cäzasın birde. Şul ğalim, Xäşim Ağacari ülemgä, islamnı mäsxäräläwdä häm İrandağı ruxanilär xakimiaten şik astına aluda ğäyeplänep xökem itelgän ide, bu bar il buylap qarşılıq çaraları ütkärügä kiterde. Şulardan soñ İrannıñ yuğarı mäxkämäse ülem cäzası xökemen ğämäldän çığarıp, şuşı eşne yañadan qarawğa qaytardı. Ağacarineñ advokatı bügen, ikençel mäxkämä bu turıdağı qararın äle april ayında uq çığardı, häm aña bu xaqta uzğan ayda xäbär itelde dip belderde. Üzeneñ älege xäbärne şunda uq bäyän itmäwen ul, ul waqıtta İran buylap studentlarnıñ qarşılıq çaraları baruwı belän añlattı. Ul arada kiçä İranda tağın öç jurnalist qulğa alındı.
XS
SM
MD
LG