Accessibility links

чәршәмбе, 7 декабрь 2016, Казан вакыты 15:40

"Awlaq öy" Tatar yäşläre könnäre häm Başqort yäşläre cıyınında


Qäderle duslar, sawmısız! Bügenge "Awlaq öy" tulısınça yäşlär könnärenä bağışlana. Bezneñ öçen bu ğädäti tema, "Awlaq öy" tatar yäşläre könnären, alarğa äzerlekne häm niçek ütüwen yıl sayın yaqtırtıp kilde. Bıyıl da bu şulay bulır, östäwenä äle bez aña qädär Başqortstanda oyıştırılğan başqort yäşläre cıyınına da kerep çığarbız.

Şulay itep, yäşlär könnäre... Bıyıl çirattağı tatar yäşläre könnäre üzençälekle şartlarda uzdı, anı İdel häm Çulmanda yözgän qunaq köymäsendä oyıştırırğa bulğannar. Ğädäti bulmağan şul şartlarğa - ğädäti bulmağan yaqtırtu, Awlaq öy yomışı belän köymägä bu yulı yäşlär arasında iñ yäşe Rimzil Wäliev üze kitte. Läkin anıñ yazmasın sez soñraq işetersez, ä älegä bez süzne Ufağa, Awlaq öy tıñlawçılarına tanış Aygöl Tamyanğa biräbez. Ul başqort yäşläreneñ bıyılğı cıyınına barıp qayttı.

Audio, Aygöl Tamyan

Sez Ufadan Aygöl Tamyannı tıñladıığz, ä xäzer inde Ufadan İdel sularındağı "Boris Polevoy" köymäsenä, qäderle duslar. Andağı yäşlär arasında du kilep qaytqannan soñ Qazannan Rimzil Wäliev xäbär itä.

Audio, Rimzil Wäliev

Yäşlär arasında mawığıp kitep Rimzil äfände waqıt digän närsäne dä onıtıp cibärgän, şuña kürä bügenge utırmabız beraz ozaqqaraq suzıldı inde, qäderle duslar. Läkin här närseneñ dä axırı bula, tatar yäşläre könnäre dä tämamlandı, bezneñ tapşıru da azağına yaqınlaştı. Läkin alayda Rimzil äfändeneñ ğözeren ütäp, www.azatliq.ru, qıyıq sızıq, photo digän adresnı qabatlap kitäm. Anda Tatar yäşläre könnärennän fotoräsemnär urnaştırılğan, räxim itep kerep qarağız. Qarağanda İnternet aşa "Awlaq öy"ne dä tıñlıy alasız, alar ber-bersenä turı kiler. Anısın da şunda uq, www.azatliq.ru yäisä www.azatliq.org-ta taba alasız. Ä xäzer inde min sezneñ belän xuşlaşam, kiläse oçraşularğa qädär isän-imin genä yäşäp torığız, matur cäy yalları sezgä...

XS
SM
MD
LG