Britaniä tışqı eşlär ministrı Jack Straw Ğiraqnıñ küpläp üterü qoralı turında küzläw mäğlümätläre tiräsendäge cäncalnı möstäqil tikşerülärgä çaqırunı qatğıy kire qaqtı.
Straw süzlärenä qarağanda, bu mäs'äläne parlamentnıñ premyer ministr Tony Blair tarafınnan bilgelängän, maxsus komitetı tikşeräçäk. AQŞ prezidentınıñ däwlät iminlege kiñäşçese Condoleezza Rice, Britan maxsus xezmäteneñ "Säddäm Xösäyen rejimı Afrikadan uran alırğa tırışqan" dip birgän mäğlümätlären, citärlek nigezlängän dip sanawın qabatlap äytte. Şul uq waqıtta Rice bu mäğlümätlärne Bushnıñ ğinwar çığışına kertmäskä kiräk ide, çönki şul çığış, nigezdä, suğış başlarğa säbäp buldı dip belderde.
