Dubrovkadağı teatr üzägendä terakt waqıtında hälak buluçılar advokatı bularaq tanılğan Trunov, Leontyevnıñ "çit keşelär qanında häm qayğısında üzenä bäxässez karyera yasağan advokat talawçı bulıp kürenä" dip äytkän süzlären üzen mısqallaw dip qabul itkän. Äxläki zıyan öçen dip, Trunov ORT kanalı häm Leontyevtan 32 meñ rubl' taläp itkän. Läkin mäxkämä ul däğwäne qänägätländermägän, Leontyevnıñ süzlären barı tik şäxsi fiker dip qabul itkänen beldergän. Trunov bu däğwäsen Mäkäwneñ şähär mäxkämäsendä tikşertergä niätli.
