Accessibility links

Кайнар хәбәр

İzrael premiär ministırı A.Sharon Y.Arafatnı izolatsiädä qaldırsın dip Londonnı künderä almadı


İzrael premiere A.Sharonnıñ küptänge köndäşe Yasir Arafatnı eksilgä cibärergä , izolatsiädä qaldırırğa tırışuı ber kemgä dä ser tügel. Düşämbedä Sharonnıñ Londonda,Arafat terrornı qıyulandıra ,tınıçlıqqa kirtä bulıp tora,anıñ belän mönäsbätläregezne özegez digän üteneçenä Britaniä, Arafat fälästinnärneñ demokratik räweştä saylanğan citäkçese, räsmilär anıñ belän eş itergä däwam itäçäk digän cawap qaytardı.

İzrael Yasir Arafatnı terrornı qıyulandıruda, premier Abbbasnıñ köç qullanunı tuqtatu tırışlıqlarına kirtä buluda ğäyepläp kilä. Ariel Sharon äle bu aralarda ğına amerikan televidinie şirkäte Foxa birgän ängämäsendä Arafat yaqın könçığışta yaqınça 3 yıl däwam itkän qan qoyu öçen ğäyeple, ul täsirle poslarınnan çitlätelergä tieş dip äytte. Xalıqara basım säbäple , ber dä telämiçä genä Yasir Arafat aprel ayında premier itep Abbasnı bilgeläp , xakimiätne büleşergä mäcbür buldı. Quşma Ştatları İzraelneñ Arafatqa baykotın yaqlıy, ämma Yevropa illäreneñ küpçelege Arafat fälästin xalqınıñ demokratik räweştä saylanğan prezidentı digän pozitsiädä tora. Yaqın könçığışqa kilgän yevropalı säyäsätçelär Ramalladağı cimerek yortında Yasir Arafat belän küreşä . Bu älbättä İzraelneñ açuın çığara.Misal öçen Yäkşämbedä Russiä tışqı eşlär ministırı İgor İvanov Yasir arafat ve maxmud Abbas belän söyläşkännän son bolay digän ide (audio) Premier Sharonnıñ Britaniä häm Norvegiegä säfärenä küplär bu bälkim dä İzraelneñ Yevropa belän mönäsäbätlärne yaxşırtu tırışlığıdır dip qarıy. İzraelneñ London belän mönäsbätläre ber dä yaxşıdan tügel. Ğıynuar ayında Britaniä fälästin reformaları turında konferensiä ütkärä, anda İzrael çaqırılmıy. İzrael fälästin delegatsiäsenä cıyılışqa qatnaşu mömkinçelege birmi. İzraeldä ğıynuarda ütkärelgän saylaulardan elek Tony Blair Sharonnıñ açuın çığarıp anıñ politik köndäşe leyborislar citäkçese belän küreşä ämma Sharonnıñ tışqı eşlär minsitırı Netanyahu belän söyläşüne kire qağa. Annan başqa İzrael xärbiläre 3 britan vatandaşına ut açtı. BMOsı yardäm oyışmasınıñ xezmätkäre üterelä, tınıçlıq aktivistı aprel ayınnan birle añsız xastaxanädä yata, öçençese isä büläklängän fotograf James Miller yaralana .London mäsälä tulısınça tikşerelsen, ğäyeplelär xökemgä tartılsın dip taläp itä. Düşämbedä Londonğa kilgän Sharonnıñ Arafat belän elemtälärne özegez digän taläbenä tışqı eşlär ministırı Straw yuq, bez anıñ belän küreşergä däwam itäçäkbez, çönki ul fälästin xalqınıñ saylanğan citäkçese dip beldergän. İzrael premiereneñ yevropalılarnıñ Arafat belän söyläşergä däwam itüläre tınıçlıq prosesın totqarlıy digän belderüennän soñ , Londonnıñ üteneçne kire qağuı Sharonğa ber dä oşamağandır. Ul Londonnıñ bu adımı premier Maxmud Abbasnıñ pozitsiäsen qaqşata dip äytte. Yartı säğät kenä Straw belän küreşkän Sharon kiçke aşnı T.Blair belän aşadı. Taraflar söyläşülär yaxşı ütte digän belderülär yasadı. Süzçelärgä qarağnda Blair Sharonnı Tınçılq planıñ ğämälgä quyarğa , okupatsiä astındağı territoriälärdä yähud utarların cimerergä çaqırğan. Straw da premiergä,utarlar mäsäläsen xäterlätkän häm Könbatış Üzänendä iminlek diwarı tözü idealarınnan waz kiçegez dip ügetlägän . İzrael diwar intixar terrorçılarnıñ İzraelgä ütep kerüen tuqtatu çarası dip äytsä dä küplär aña yaña säyäsi çik bulaçaq dip qarıy. Downing Stretta ike premierneñ oçraşuı uñay dip bäyälänsä dä, nigezdä Blair Sharonğa tınıçılq planı turında närsä äytkän, nindi basım yasağandır äytelmäde älegä . Düşämbedä Y.Arafat belän premier Abbas oçraşuı näticäle buldı, fiker ayırmalıqları xäl qılındı dip belderelde.Bilgele bulğança Abbas ütkän atnada Arafat citäklägän Fatax komitetınnan çigende häm İzrael belän tınıçlıq urnaştıru eşen bik yomşaq aqırın bara digän kollegalarınıñ tänqitınnan soñ premirlek wazıyfasın taşlayaçaqmım dip yanağan ide. Radikal fälästin törkemnäreneñ 29nçı iyündä 3 ayğa atışlarnı tuqtatırğa riza buluınnan soñ, yaqın könçığıştağı çağıştırmaça tınıçlıqnı bugen äl Aqsa şäxitläre brigadası bozdı. Tel Avivdä ber keşene çänçep üterde ikesen yaraladı.

färidä xämit, praga
XS
SM
MD
LG